ବହୁ ପଛରେ ପଡିଲେ ମା ଓ ପୁଅ: କୋରେଇରେ ସନ୍ଧ୍ୟାରାଣୀ, ସମ୍ବଲପୁରରେ ପ୍ରଣବ ବହୁ ପଛରେ

ଭୁବନେଶ୍ୱର: ଓଡ଼ିଶା ରାଜନୀତିରେ ହଇଚଇ ହେବାକୁ ଯାଉଛି। ବିଜେପି ବିଜୟ ପଥରେ ଆଗକୁ ବଢୁଥିବା ବେଳେ ପଛରେ ପଡିଛିି ଶାସକ ବିଜେଡି। ବିଜେଡିର ବହୁ ଟାଣୁଆ ନେତା ପଛରେ ପଡିଥିବା ବେଳେ ଆଗରେ ରହିଛନ୍ତି ବିଜେପି ନେତା। ଯାଜପୁରର ଟାଣୁଆ ନେତା ତଥା ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଚଳିତ ଥର ସମ୍ବଲପୁର ଲୋକସଭା ଆସନରେ ନିର୍ବାଚନ ଲଢୁଥିବା ବେଳେ ପଛୁଆ ରହିଛନ୍ତି। ଏଠାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ସେ କଡା ଟକ୍କର ଦେଇଥିଲେ ସୁଦ୍ଧା ପଛରେ ପଡିଛନ୍ତି। ପ୍ରଣବ ଏଠାରେ ଧର୍ମେନ୍ଦ୍ରଙ୍କ ଠାରୁ ୬୫ହଜାରରୁ ଅଧିକ ଭୋଟରେ ପଛରେ ରହିଛନ୍ତି।
କୋରେଇରେ ପ୍ରଣବଙ୍କ ମା ସନ୍ଧ୍ୟାରାଣୀଙ୍କୁ ଦଳ ଟିକେଟ ଦେଇଥିଲା। ଏଠାରେ ବି ସେ ପଛରେ ରହିଛନ୍ତି। ସନ୍ଧ୍ୟାରାଣୀ ବିଜେପି ପ୍ରାର୍ଥୀ ଆକାଶ ଦାସ ନାୟକଙ୍କ ଠାରୁ ୮୧୯ ଭୋଟରେ ପଛରେ ପଡିଛନ୍ତି। ଆକାଶ ୨୧ହଜାର ୭୨୨ ଭୋଟ ପାଇଛନ୍ତି।