ଭୁବନେଶ୍ଵର: ଆଜି ରାଜ୍ୟରେ ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ଭୋଟ ଗ୍ରହଣ କରାଯାଉଛି। ୬ଟି ଲୋକସଭା ଓ ୪୨ଟି ବିଧାନସଭା ଆସନରେ ମତଦାନ ସକାଳ ୭ଟାରୁ ଆରମ୍ଭ ହେଉଛି। ସନ୍ଧ୍ୟା ୬ଟା ପର୍ଯ୍ୟନ୍ତ ମତଦାନ ଗ୍ରହଣ କରାଯିବ। ସମ୍ବଲପୁର, କଟକ, ଭୁବନେଶ୍ୱର, ପୁରୀ, ଢେଙ୍କାନାଳ ଓ କେନ୍ଦୁଝର ସଂସଦୀୟ କ୍ଷେତ୍ରରେ ଭୋଟ ଗ୍ରହଣ କରାଯାଉଛି। ଏହାରି ମଧ୍ୟରେ ମତଦାନ କେନ୍ଦ୍ର ଭିତରକୁ ମୋବାଇଲ ଫୋନ୍ ନେବାକୁ ବାରଣ କରାଯାଇଛି। କିଛି ବୁଥ୍ରେ ଭୋଟର ମାନେ ମୋବାଇଲ ନେଇ ଯାଉଥିବା ଦେଖିବାକୁ ମିଳିଛି। ତେଣୁ ଏପରି ନକରିବାକୁ ଉଭୟ ଭୋଟର ଏବଂ ଅଧିକାରୀଙ୍କ ପ୍ରେସମିଟ୍ ଜରିଆରେ ଅପିଲ କରିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ। ଭୋଟର ମାନଙ୍କ ବୁଥ୍ ଭିତରକୁ ମୋବାଇଲ ଫୋନ୍ ନ ନେବାକୁ ସେ ଅନୁରୋଧ କରିଛନ୍ତି। ବୁଥ୍ କୁ ସ୍ମାର୍ଟ ଓ୍ବାଚ୍ ପିନ୍ଧିକି ଯିବା ବାରଣ ବୋଲି କହିଛନ୍ତି ସିଇଓ। ତେବେ ସୂଚନା ଅନୁଯାୟୀ ରାଜ୍ୟରେ ଆଜି ସକାଳ ୯ଟା ସୁଦ୍ଧା ୭.୪୩ ପ୍ରତିଶତ ମତଦାନ ହୋଇଥିବା ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ନିକୁଞ୍ଜ ବିହାରୀ ଧଳ। ଭୁବନେଶ୍ୱରରେ ୬.୬୫ ପ୍ରତିଶତ, କଟକରେ ୭.୩୨ ପ୍ରତିଶତ, ଢେଙ୍କାନାଳରେ ୭.୯୫ ପ୍ରତିଶତ, କେନ୍ଦୁଝରରେ ୮.୭୪ ପ୍ରତିଶତ, ପୁରୀରେ ୬.୮୭ ପ୍ରତିଶତ ଏବଂ ସମ୍ବଲପୁର ସଂସଦୀୟ କ୍ଷେତ୍ରରେ ୭.୦୯ ପ୍ରତିଶତ ହୋଇଛି।
Popular Categories
Previous article
Next article