ନୂଆଦିଲ୍ଲୀ: ଆଜିକାଲିର ବ୍ୟସ୍ତ ବହୁଳ ସମୟରେ ଓଜନ ବୃଦ୍ଧି ଲୋକଙ୍କ ପାଇଁ ଏକ ବଡ ସମସ୍ୟା ପାଲଟିଛି। ଓଜନ ହ୍ରାସ କରିବାକୁ କିଏ କେତେ ପ୍ରକାର ଉପାୟ ଅବଲମ୍ବନ କରୁଛି। କିଏ ସକାଳେ ପ୍ରତିଦିନ ବ୍ୟାୟାମ କରୁଛି ତ ଆଉ କିଏ ଜିମ୍ ରେ ସମୟ ବିତାଉଛି। କେହି କେହି ଓଜନ ହ୍ରାସ ଲାଗି ବଜାରରେ ଉପଲବ୍ଧ ହେଉଥିବା ଔଷଧ ଗୁଡିକୁ ଖାଇଥାନ୍ତି। ଏହାରି ମଧ୍ୟରେ ଏକ ବଡ ଖବର ସାମ୍ନାକୁ ଆସିଛି। ଓଜନ ହ୍ରାସ ଏବଂ ମଧୁମେହ ରୋକିବା ନାଁରେ ନକଲି ଔଷଧ ବିକ୍ରି କରୁଥିବା ୨୫୦ରୁ ଅଧିକ ଓ୍ବେବସାଇଟ୍ କୁ ବନ୍ଦ କରି ଦିଆଯାଇଛି। ସାଇବର ସୁରକ୍ଷା ସଂସ୍ଥା ବ୍ରାଣ୍ଡସିଲ୍ହ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ସୋସିଆଲ ମିଡିଆ ପ୍ଲାର୍ଟଫର୍ମ ଏବଂ ବଜାର ସହ ଜଡିତ ୬ ହଜାର ୯୦୦ ରୁ ଅଧିକ ବେଆଇନ ଔଷଧ ଗୁଡିକୁ ହଟାଇ ଦିଆଯାଇଛି। ଏଥିରେ ଭାରତରୁ ୯୯୨ , ଇଣ୍ଡୋନେସିଆରୁ ୫୪୪, ଚୀନର ୩୬୪ ଏବଂ ବ୍ରାଜିଲର ୧୧୪ ମେଡିସିନ୍ ସାମିଲ ରହିଛି। ଓଜନ ହ୍ରାସ ନେଇ ଦାବି କରି ଆସୁଥିବା କମ୍ପାନୀ ଗୁଡିକୁ ମଧ୍ୟ ବନ୍ଦ କରାଯାଇଛି। ବେଲଜିୟମ୍ , ସ୍ଵିଜରଲ୍ୟାଣ୍ଡ , ବ୍ରିଟେନ୍ ଏବଂ ଆମେରିକା ସହ ୯ ଦେଶରେ ନକଲି ମେଡିସିନ୍ ଖାଇ ବହୁ ଲୋକ ପ୍ରଭାବିତ ହୋଇଥିବା ଦେଖିବାକୁ ମିଳିଛି।
Comments are closed.