ଡେସ୍କ: ହିମାଚଳ ପ୍ରଦେଶର ମଣ୍ଡି ନିର୍ବାଚନ ମଣ୍ଡଳୀରୁ ବିଜେପି ପ୍ରାର୍ଥୀ କଙ୍ଗନା ରାଣାୱତଙ୍କ ଉପରେ ଆପତ୍ତିଜନକ ପୋଷ୍ଟ କରିଥିବା କଂଗ୍ରେସ ନେତ୍ରୀ ସୁପ୍ରିୟା ଶ୍ରୀନେତଙ୍କୁ ଭାରତୀୟ ଜନତା ପାର୍ଟି ତୀବ୍ର ସମାଲୋଚନା କରିଛି। ତେବେ ଶ୍ରୀନେଟ୍ ସ୍ପଷ୍ଟ କରିଛନ୍ତି ଯେ ସୋସିଆଲ ମିଡିଆରେ କିଛି ପ୍ୟାରୋଡି ଆକାଉଣ୍ଟରେ ସମ୍ପୃକ୍ତ ପୋଷ୍ଟ କରାଯାଇଛି, ଯାହାକୁ ସେ ରିପୋର୍ଟ କରିଛନ୍ତି।
ବିଜେପି ନେତା ଶେହଜାଦ ପୁନାୱାଲା କହିଛନ୍ତି ଯେ ଶ୍ରୀନେତଙ୍କ ମନ୍ତବ୍ୟ ନିନ୍ଦନୀୟ। କଙ୍ଗନା ଟିମକୁ ନେଇ ସୁପ୍ରିୟା ଦେଇଥିବା ମନ୍ତବ୍ୟ ନିନ୍ଦନୀୟ। ତାଙ୍କୁ ତୁରନ୍ତ ବହିଷ୍କାର କରାଯାଉ। ସେ କହିଥିଲେ ଯେ ସୁପ୍ରିୟା ଶ୍ରୀନେତ କଙ୍ଗନା ରାଣାୱତଙ୍କ ଉପରେ ଘୃଣ୍ୟ ମନ୍ତବ୍ୟ ଦେଇଛନ୍ତି, ଯାହାଙ୍କୁ ମଣ୍ଡିରୁ ଲୋକସଭା ଟିକେଟ ଦିଆଯାଇଛି। ଏମାନେ ହିଁ ମୋହବତ କଥା କହୁଛନ୍ତି, କିନ୍ତୁ ବେଳେବେଳେ ପ୍ରଧାନମନ୍ତ୍ରୀଙ୍କୁ ଗାଳି ଗୁଲଜ କରନ୍ତି, ପ୍ରଧାନମନ୍ତ୍ରୀଙ୍କ ସ୍ବର୍ଗତ ମା’ଙ୍କୁ ଗାଳି ଗୁଲଜ କରନ୍ତି।
