ପାଟଣା: ସାହାରପଡା ବ୍ଲକ ଅନ୍ତର୍ଗତ ଉଦୟପୁରଠାରୁ ସାହାରପଡା ପର୍ଯ୍ୟନ୍ତ ରାସ୍ତାର ପିଚୁ କରିବା ପାଇଁ ପୂର୍ତ୍ତବିଭାଗ ଦ୍ଵାରା ଟେଣ୍ଡର ହୋଇଥିଲା। ୨୦୨୦-୨୧ ଆର୍ଥିକ ବର୍ଷରେ ୮୨୫.୫୪ ଲକ୍ଷ ଟଙ୍କାର କାମକୁ ଏମଏସପି କନଷ୍ଟ୍ରକସନ ପ୍ରାଇଭେଟ ଲିମିଟେଡ ନାମକ ଗଞ୍ଜାମ ଜିଲ୍ଲାର ଏକ ଠିକା ସଂସ୍ଥା କାମନେଇ କେନ୍ଦୁଝର ଜିଲ୍ଲାର ଅନ୍ୟ ଏକ ଆଞ୍ଚଳିକ ଠିକା ସଂସ୍ଥା ଦ୍ଵାରା କାମ କରାଉଥିଲା। ବହୁ ମନ୍ଥର ଗତିରେ କାମ କରି ଅଧାରୁ ରାସ୍ତାକୁ ଖୋଳି ଦେଇ ଉକ୍ତ ଠିକା ସଂସ୍ଥା ଏକ ବର୍ଷ ହେବ ଛୁ ହୋଇଯାଇଛି। ପୂର୍ତ୍ତ ବିଭାଗ ଅଧିକ୍ଷଣ ଯନ୍ତ୍ରୀଙ୍କୁ ପଚାରିବାରୁ ଉକ୍ତ କାମକୁ ପୁନର୍ବାର ଟେଣ୍ଡର କରାଯିବ ବୋଲି କହିଥିଲେ। ମାତ୍ର ଏପର୍ଯ୍ୟନ୍ତ ଟେଣ୍ଡର ହୋଇ ପାରୁ ନାହିଁ କି କାମ ହୋଇପାରୁନାହିଁ। ଫଳରେ ଉଦୟପୁର ସାନନାଳୀଠାରୁ ଉଦୟପୁର ପର୍ଯ୍ୟନ୍ତ ଖୋଳା ହୋଇଥିବା ୨ କିମି ରାସ୍ତାରେ ଯିବାଆସିବା ଅସମ୍ଭବ ହୋଇପଡୁଛି। ଧୁଳି ଉଡି ରାସ୍ତା ଦେଖା ଯାଉନାହିଁ। ଛୋଟ ଛୋଟ ଦୁର୍ଘଟଣା ମଧ୍ୟ ଘଟୁଛି। ଅତିଶୀଘ୍ର ଉକ୍ତ ରାସ୍ତାକୁ ମରାମତି କରିବାକୁ ସାଧାରଣରେ ଦାବି ହେଉଛି।
Comments are closed.