ଆଠଗଡ : ଆଗାମୀ ସାଧାରଣ ନିର୍ବାଚନକୁ ଆଖି ଆଗରେ ରଖି ଚୋରାମଦ କାରବାର ଉପରେ ଲଗାମ ଲଗାଇବାକୁ ରାଜ୍ୟବ୍ୟାପୀ ଚଢାଉ ଜାରି ରହିଛି । ଏହି କ୍ରମରେ ଚୋରାମଦ ପ୍ରସ୍ତୁତି ଓ ଚାଲାଣ ପାଇଁ କୁଖ୍ୟାତ ଆଠଗଡ, ଖୁଣ୍ଟୁଣୀ ଓ ତିଗିରିଆ ଥାନା ଅଞ୍ଚଳର ଏକାଧିକ ସ୍ଥାନରେ ଏବେ ନିୟମିତ ଚଢାଉ କରାଯାଉଛି । ରବିବାର କଟକ ଅବକାରୀ ଅଧିକ୍ଷକ ଦେବାଶିଷ ପଟେଲଙ୍କ ନେତୃତ୍ୱରେ ଅବକାରୀ ବିଭାଗ ପକ୍ଷରୁ ଆଠଗଡ ଥାନା ଅନ୍ତର୍ଗତ କୋରଙ୍ଗା ଗ୍ରାମରେ ଚାଲିଥିବା ଏକାଧିକ ମଦଭାଟି ଉପରେ ଏବଂ ନିକଟସ୍ଥ ଚାଷଜମି ଓ ବୁଦା ଜଙ୍ଗଲ ଅଞ୍ଚଳରେ ଚଢାଉ କରାଯାଇଥିଲା । ଏହି ଚଢାଉ ବେଳେ ଶହ ଶହ ପ୍ଲାଷ୍ଟିକ ଜାରକିନରେ ବିଭିନ୍ନ ଜାଗାରେ ଲୁଚାଇ ରଖାଯାଇଥିବା ମୋଟ ୧୭୮୫ ଲିଟର ସଦ୍ୟ ପ୍ରସ୍ତୁତ ମଦ ଏବଂ ୧୨୬୦୦ ଲିଟର ଗୁଡ ଓ ରାସାୟନିକ ରାଜା ସାରମିଶ୍ରିତ ପୋଚ ଜବତ କରାଯାଇ ଘଟଣାସ୍ଥଳରେ ନଷ୍ଟ କରାଯାଇଥିଲା । ଏ ସମ୍ପର୍କର ୪ ଟି ମାମଲା ରୁଜୁ ହୋଇଥିବା ଜଣାପଡିଛି । ଉପଅଧିକ୍ଷକ ଅଭିରାମ ସାହୁ, ନିରୀକ୍ଷକ ହେମନ୍ତ ମହାନନ୍ଦିଆ, ମାନସୀ ନାୟକ, ହିରା ଦଳପତି, ଉପନିରୀକ୍ଷକ ଅଜିତ କୁମାର ପାତ୍ର, ଅରୁଣ କୁମାର ଭୋଇଙ୍କ ସମେତ ବହୁ ଅବକାରୀ ଅଧିକାରୀ ଓ କର୍ମଚାରୀ ଏହି ଚଢାଉରେ ଅଂଶଗ୍ରହଣ କରିଥିଲେ ।
Comments are closed.