ଗୋପାଳପୁର: ଗୋଳନ୍ଥରା ଥାନା ଅଧିନସ୍ଥ କନିଷି ହାଟ ଠାରେ ଶନିବାର ଭୋର ସମୟରେ ବୁଲେଟ ସହ ପିକପ ଧକ୍କାରେ ଜଣଙ୍କ ଜୀବନ ଯାଇଛ। ଅନ୍ୟ ଜଣ ଗୁରୁତ୍ୱର ଆହତ ହୋଇଥିବା ଜଣାପଡିଛି । ମୃତକ ଜଣକ ହେଲେ ଟାଙ୍ଗଣାପୁଲୀ ଗ୍ରାମର ରାଜେନ୍ଦ୍ର ପ୍ରଧାନ ହୋଇଥିବା ବେଳେ ସୁମନ ପ୍ରଧାନ ଗୁରୁତର ଆହତ ହୋଇଛନ୍ତି।
ସୂଚନା ଅନୁସାରେ ଚମାଖଣ୍ଡି ଥାନା ଅଧିନସ୍ଥ ଟାଙ୍ଗଣାପୁଲୀ ଗ୍ରାମର ରାଜେନ୍ଦ୍ର ଓ ସୁମନ ଏକ ବୁଲେଟରେ ମହାଶିବ ରାତ୍ରି ପାଇଁ ବିଭିନ୍ନ ଶୈବ ପୀଠ ଦର୍ଶନ ପାଇଁ ଉଭୟ ଗତକାଲି ରାତିରେ ଗ୍ରାମରୁ ବାହାରିଥିଲେ।
ମନ୍ଦିର ଦର୍ଶନ ସାରି ରାଜେନ୍ଦ୍ର ଓ ସୁମନ ଗ୍ରାମକୁ ଫେରୁଥିବା ବେଳେ ଭୋର ସମୟରେ ୧୬ ନଂ ନ ଜାତୀୟ ରାଜପଥ କନିସି ହାଟ ନିକଟରେ ଏକ ପିକଅପ ସହ ସେମାନଙ୍କ ବୁଲେଟ ଧକ୍କା ହୋଇଥିଲା । ଯାହା ଫଳରେ ଉଭୟେ ରାସ୍ତା ଉପରେ ଛିଟିକି ହୋଇ ପଡିଯାଇଥିଲେ । ଘଟଣା ସ୍ଥଳରେ ରାଜେନ୍ଦ୍ରଙ୍କ ମୃତ୍ୟୁ ଘଟିଥିବା ବେଳେ ସୁମନ ଗୁରୁତର ହୋଇପଡିଥିଲେ। ସ୍ଥାନୀୟ ଲୋକ ଓ ପୁଲିସ ଉଦ୍ଧାର କରି ସୁମନକୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତିକରିଥିଲେ। ପୋଲିସ ରାଜେନ୍ଦ୍ର ମୃତ୍ୟୁ ଦେହ କୁ ଜବତ କରି ବ୍ରହ୍ମପୁର ବଡ ମେଡିକାଲକୁ ପଠେଇଥିଲେ। ଦୁର୍ଘଟଣା ଘଟେଇ ଥିବା ବୁଲେଟ ଓ ପିକଅପ କୁ ପୋଲିସ ଜବତ କରିଛି।
ମୃତ୍ୟୁ ରାଜେନ୍ଦ୍ର ବାପା ଏ ନେଇ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ। ଥାନା କେଶ ନ ୧୦୧/୨୪ ପ୍ରକାରେ ପୁଲିସ ଦୁର୍ଘଟଣା ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଅନ୍ୟ ପଟେ ରାଜେନ୍ଦ୍ର ମୃତ୍ୟୁଦେହ କୁ ବ୍ୟବଛେଦ ପରେ ସନ୍ଧ୍ୟା ପୁଲିସ ହସ୍ତାନ୍ତର କରିଥିବା ଜଣାପଡିଛ।
