ନୂଆଦିଲ୍ଲୀ : ଗୁଜରାତର ଜାମନଗରରେ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ପ୍ରାକ୍- ବିବାହ ଉତ୍ସବ ଲଗାତର ଚର୍ଚ୍ଚାରେ ରହିଛି । ଦେଶ ବିଦେଶରୁ ଆସୁଥିବା ଅତିଥିଙ୍କ ଉପରେ ଗଣମାଧ୍ୟମର ନଜର ରହିଛି । ୩ ଦିନର ଏହି ପ୍ରାକ୍-ବିବାହ ଉତ୍ସବ ରବିବାର ଶେଷ ହେଲା । ଶେଷ ଦିନ ଏହି କାର୍ଯ୍ୟକ୍ରମରେ ବିଲ୍ ଗେଟ୍ସ, ଇଭାଙ୍କା ଟ୍ରମ୍ପ୍, ଲକ୍ଷ୍ମୀ ମିତ୍ତଲ, ଗୁଗଲର ସିଇଓ ସୁନ୍ଦର ପିଚାଇ ଭଳି ନାମୀ ଦାମୀ ଲୋକ ପହଞ୍ଚିଥିଲେ ।
ଏହା ମଧ୍ୟରେ ଏକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଏଥିରେ ଅନନ୍ତ ଅମ୍ବାନୀ, ଆକାଶ ଅମ୍ବାନୀ ଏବଂ ଫେସବୁକ୍ ମାଲିକ ମାର୍କ ଜୁକରବର୍ଗ ନିଜ ପତ୍ନୀଙ୍କ ସହିତ ନଜର ଆସୁଛନ୍ତି । ମାର୍କ ଏବଂ ତାଙ୍କ ପତ୍ନୀ ପ୍ରିନ୍ସଲା, ଅନନ୍ତଙ୍କ ସହିତ ଆଲୋଚନା କରୁଥିବା ନଜର ଆସୁଛି । ଏହି ସମୟରେ ଅଚାନକ ଜୁକରବର୍ଗଙ୍କ ପତ୍ନୀଙ୍କ ନଜର ଅନନ୍ତ ଅମ୍ବାନୀଙ୍କ ହାତଘଣ୍ଟା ଉପରେ ପଡୁଛି । ଏବଂ ସେ ଏହାକୁ ଦେଖି ଆଶ୍ଚର୍ଯ୍ୟ ହୋଇଯାଉଛନ୍ତି ।
Mark Zuckerberg & his wife Priscilla was surprised to see Anant Ambani’s watch. Anant was seen carrying beautiful audemars piguet royal oak open worked skeleton worth INR 14 crore. 🤑#AnantRadhikaWedding | #AnantAmbani pic.twitter.com/DEql5XFWUA
— Radhika Chaudhary (@Radhika8057) March 3, 2024
ସେ ଏହି ଘଡି ସମ୍ପର୍କରେ ଅନନ୍ତ ଅମ୍ବାନୀଙ୍କୁ ବହୁତ ପଚରାଉଚରା କରୁଛନ୍ତି । କହିରଖୁଛୁ ଅନନ୍ତ ଅମ୍ବାନୀ ପିନ୍ଧିଥିବା ସେହି ଘଡିର ଦାମ୍ ୧୪ କୋଟିରୁ ଅଧିକ । ଏଥିରେ ହୀରା ଏବଂ ବିଭିନ୍ନ ପ୍ରକାର ଦାମୀ ରତ୍ନ ଖଞ୍ଜାଯାଇଛି । ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି ।
