ବାସି ରୁଟି ସ୍ୱାସ୍ଥ୍ୟ ପାଇଁ ଖୁବ୍ ଉପକାରୀ। ନିୟମିତ ଏହାର ସେବନ କଲେ ସ୍ୱାସ୍ଥ୍ୟ ଜନିତ ଅନେକ ସମସ୍ୟା ଦୂର ହେବା ସହ ଓଜନ ହ୍ରାସ ହୋଇଥାଏ। କେବଳ ସ୍ୱାସ୍ଥ୍ୟ ପାଇଁ ନୁହେଁ ବରଂ ବାସି ରୁଟିର କିଛି ସରଳ ଉପାୟ ଆପଣାଇବା ଦ୍ୱାରା ଧନସମ୍ପତ୍ତି ବୃଦ୍ଧି ସହ ଶନିଙ୍କ ପ୍ରଭାବ ଓ ସଙ୍କଟ ଦୂର ହୋଇଥାଏ। ଏହାସହ ଘରେ ମା’ଲକ୍ଷ୍ମୀଙ୍କ ଆଗମନ ହୋଇଥାଏ। ଜାଣନ୍ତୁ..
ସାଧାରଣତଃ ଲୋକେ ଘରେ ରାତିରେ ପ୍ରସ୍ତୁତ ବଳକା ବାସି ରୁଟିକୁ ସକାଳେ ଫିଙ୍ଗି ଦେଇଥାଆନ୍ତି। ମାତ୍ର ବାସି ରୁଟି ସହ ଜଡିତ ଏଭଳି କେତେକ ଉପାୟ ରହିଛି, ଯାହାକୁ ଆପଣାଇବା ଦ୍ୱାରା ଅତ୍ୟନ୍ତ ଲାଭ ମିଳିଥାଏ। ଭାଗ୍ୟରେ ସୁପରିବର୍ତ୍ତନ ହୋଇଥାଏ। ଜ୍ୟୋତିଷ ଶାସ୍ତ୍ର ଅନୁଯାୟୀ, ବାସି ରୁଟି କେବଳ ଶନି, ରାହୁ, କେତୁଙ୍କ ଖରାପ ପ୍ରଭାବକୁ ଦୂର କରେ ତାହା ନୁହେଁ ବରଂ ଘରେ ଏହା ସୁଖସମୃଦ୍ଧି ମଧ୍ୟ ଆଣିଥାଏ।
ସୁଖସମୃଦ୍ଧି ଓ ଧନ ପ୍ରାପ୍ତି ପାଇଁ ଶନିବାର କିମ୍ବା ଅମାବାସ୍ୟା ଦିନ ଗାଈଙ୍କୁ ବାସି ରୁଟି ଓ କ୍ଷୀରୀ ଖାଇବାକୁ ଦିଅନ୍ତୁ। ଏହାଦ୍ୱାରା ଶନି ଦଶାରୁ ମୁକ୍ତି ମିଳିଥାଏ।
ବାସି ରୁଟିରେ ସୋରିଷ ତେଲ ଲଗାଇ କଳା କୁକୁରକୁ ଖାଇବାକୁ ଦେଲେ ରାହୁଙ୍କ ସହ ଜଡିତ ସମସ୍ୟାରୁ ମୁକ୍ତି ମିଳିଥାଏ। ସେହିଭଳି ଏହି ରୁଟିରେ କ୍ଷୀର ମିଶାଇ କୁକୁରକୁ ଖାଇବାକୁ ଦେଲେ କେତୁ ମଧ୍ୟ ଶାନ୍ତ ହୋଇଥାଆନ୍ତି।
କରଜ, ବାକି ଟଙ୍କା ଓ ଆର୍ଥିକ କ୍ଷେତ୍ରରେ ସମସ୍ୟା ଲାଗି ରହିଥିଲେ, ବାସି ରୁଟିରେ ଚିନି ମିଶାଇ ପିମ୍ପୁଡିକୁ ଖାଇବାକୁ ଦିଅନ୍ତୁ। ଏହାଦ୍ୱାରା ଆର୍ଥିକ କ୍ଷେତ୍ରରେ ଥିବା ସମସ୍ତ ସମସ୍ୟା ଦୂର ହେବା ସହ କରଜରୁ ମୁକ୍ତି ମିଳିଥାଏ।
ଘରର ସଦସ୍ୟଙ୍କ ନିକଟରେ ଖାଦ୍ୟ ପରଷିବା ପୂର୍ବରୁ ଗାଈ ନାମରେ ଏକ ବାସି ରୁଟି ନିଶ୍ଚୟ ରଖନ୍ତୁ। ଏହି ରୁଟିକୁ ଗୁଡ ସହ ଗାଈଙ୍କୁ ଖାଇବାକୁ ଦିଅନ୍ତୁ।
ଗାଈଙ୍କ ଠାରେ ୩୩ କୋଟି ଦେବାଦେବୀଙ୍କ ବାସ ରହିଛି। ତେଣୁ ଗାଈଙ୍କୁ ପ୍ରଥମ ରୁଟି ଦେବା ଦ୍ୱାରା ଘରେ କଦାପି ଧନ-ସମ୍ପତ୍ତିର ଅଭାବ ହୋଇନଥାଏ।
ଜାତକରେ ଗ୍ରହଙ୍କୁ ମଜଭୂତ କରିବା ପାଇଁ ନିୟମିତ ୫ଟି ବାସି ରୁଟି ଛୋଟ ଛୋଟ ଖଣ୍ଡ କରି ପକ୍ଷୀଙ୍କୁ ଖାଇବାକୁ ଦିଅନ୍ତୁ। ଏହାଦ୍ୱାରା ଜୀବନରେ ଆସିବାକୁ ଥିବା ସମସ୍ତ ସମସ୍ୟାରୁ ମୁକ୍ତି ମିଳିଥାଏ।
Comments are closed.