ଡେସ୍କ: କୃଷିମନ୍ତ୍ରୀ ଅର୍ଜୁନ ମୁଣ୍ଡା ଆଜି (ବୁଧବାର) ଆନ୍ଦୋଳନରତ କୃଷକମାନଙ୍କୁ ସର୍ବନିମ୍ନ ସହାୟକ ମୂଲ୍ୟ ସମେତ ସମସ୍ତ ପ୍ରସଙ୍ଗରେ ପଞ୍ଚମ ପର୍ଯ୍ୟାୟ ଆଲୋଚନା ପାଇଁ ଆମନ୍ତ୍ରଣ କରିଛନ୍ତି। ଆନ୍ଦୋଳନରତ କୃଷକମାନଙ୍କୁ ଶାନ୍ତି ବଜାୟ ରଖିବା ସହ ସମାଧାନ ପାଇଁ ଆଲୋଚନା କରିବାକୁ ମନ୍ତ୍ରୀ ନିବେଦନ କରିଛନ୍ତି।
ମନ୍ତ୍ରୀ କହୁଛନ୍ତି, ଏମଏସପି ହେଉ କି ଫସଲ ବିବିଧତା ସବୁ ପ୍ରସଙ୍ଗରେ ଆଲୋଚନା କରିବାକୁ ଆମେ ପ୍ରସ୍ତୁତ। ଆମେ କେବଳ କଥାବାର୍ତ୍ତା ମାଧ୍ୟମରେ ସମାଧାନର ବାଟ ବାହାର କରିପାରିବା। ମୁଁ ସେମାନଙ୍କୁ ଆଲୋଚନା ପାଇଁ ନିମନ୍ତ୍ରଣ କରିଛି ଏବଂ ଶାନ୍ତି ବଜାୟ ରଖିବା ଏବଂ ସମସ୍ତଙ୍କ ପାଇଁ ଭଲ ସମାଧାନ ଖୋଜିବାକୁ ନିବେଦନ କରିଛି ବୋଲି ଶ୍ରୀ ମୁଣ୍ଡା ଗଣମାଧ୍ୟମକୁ କହିଛନ୍ତି।
ବ୍ୟବସାୟରେ ହେବ ଲାଭ ହିଁ ଲାଭ, ଥରୁଟିଏ ଆପଣାଇ ଦେଖନ୍ତୁ ଏହି ବାସ୍ତୁ ଉପାୟ
ଫେବ୍ରୁଆରି ୧୮ରେ ଚତୁର୍ଥ ପର୍ଯ୍ୟାୟ ଆଲୋଚନା ବିଫଳ ହେବା ପରେ ‘ଦିଲ୍ଲୀ ଚଲୋ’ ଆନ୍ଦୋଳନର ନେତୃତ୍ୱ ନେଉଥିବା ସଂଯୁକ୍ତ କୃଷକ ମୋର୍ଚ୍ଚା ଏବଂ କିଷାନ ମଜଦୁର ମୋର୍ଚ୍ଚାର କୃଷକ ନେତାମାନେ ବୁଧବାର ପଞ୍ଜାବ ଏବଂ ହରିୟାଣା ସୀମାରୁ ପଦଯାତ୍ରା ଆରମ୍ଭ କରିବେ ବୋଲି ଧମକ ଦେଇଛନ୍ତି।
ଅଜବ ନୀତି – ଅଣଅନୁଦାନପ୍ରାପ୍ତ ସଂସ୍କୃତ ଡିଗ୍ରୀ କଲେଜ ଛାତ୍ରଛାତ୍ରୀଙ୍କୁ ମିଳିବନି ନୂଆ-ଓ ଛାତ୍ରବୃତ୍ତି
ଗତ ଫେବ୍ରୁଆରି ୧୮ ତାରିଖରେ କୃଷକ ନେତାମାନଙ୍କ ସହ ଚତୁର୍ଥ ପର୍ଯ୍ୟାୟ ଆଲୋଚନାରେ ତିନି ଜଣ କେନ୍ଦ୍ରମନ୍ତ୍ରୀଙ୍କୁ ନେଇ ଗଠିତ ଏକ ପ୍ୟାନେଲ କୃଷକମାନଙ୍କ ସହ ଚୁକ୍ତି କରିବା ପରେ ୫ ବର୍ଷ ପାଇଁ ସରକାରୀ ଏଜେନ୍ସିଗୁଡ଼ିକ ଦ୍ୱାରା ଏମଏସପିରେ ଡାଲି, ମକା ଏବଂ କପା ଫସଲ କିଣିବାକୁ ପ୍ରସ୍ତାବ ଦେଇଥିଲେ। କିନ୍ତୁ କୃଷକ ନେତାମାନେ ସରକାରଙ୍କ ଏହି ପ୍ରସ୍ତାବକୁ ପ୍ରତ୍ୟାଖ୍ୟାନ କରିବା ସହ ଜାତୀୟ ରାଜଧାନୀ ଅଭିମୁଖେ ଯାତ୍ରା ଆରମ୍ଭ କରିବାକୁ ଧମକ ଦେଇଛନ୍ତି।
