ନୂଆଦିଲ୍ଲୀ : ଗାଡି ଚଲାଇବା ସମୟରେ ସଭିଏଁ ମୋଟର ଯାନ ଆଇନ ପାଳନ କରିବା ଆବଶ୍ୟକ। ମାତ୍ର ଅନେକ ସମୟରେ କିଛି ଲୋକେ ଏହି ନିୟମକୁ ଉଲ୍ଲଘଂନ କରୁଥିବା ଦେଖାଯାଏ। ସମସ୍ତେ ଜାଣନ୍ତି ବାଇକ୍ରେ ୨ ଜଣ ବସି ଯାତ୍ରା କରିବାର ଅନୁମତି ରହିଛି। ମାତ୍ର ଅନେକ ସମୟରେ ଦେଖାଯାଏ, ଲୋକେ ନିଜ ଜୀବନ ବିପଦରେ ପକାଇ ଚାରି ରୁ ପାଞ୍ଚ ଜଣ ଏକାସହ ବାଇକ୍ରେ ଯାତ୍ରା କରନ୍ତି। ବର୍ତ୍ତମାନ ସେଭଳି ଏକ ଭିଡିଓ ଖୁବ ଭାଇରାଲ୍ ହେଉଛି।
ଭାଇରାଲ ଭିଡିଓରେ ଦେଖିପାରିବେ, ଗୋଟିଏ ବାଇକ୍ରେ ଜଣେ ପୁରୁଷ ଓ ତିନି ଜଣ ମହିଳା ବସି ଯାତ୍ରା କରୁଛନ୍ତି। ଆଶ୍ଚର୍ଯ୍ୟର କଥା ହେଉଛି, ଜଣେ ମହିଳା ବାଇକ୍ର ଟାଙ୍କି ଉପରେ ବସିଛନ୍ତି। କେହି ହେଲମେଟ ମଧ୍ୟ ପିନ୍ଧି ନାହାଁନ୍ତି। କାର୍ରେ ଯାଉଥିବା ଜଣେ ବ୍ୟକ୍ତି ଏହି ଭିଡିଓ କରିଛନ୍ତି। ଯାହା ଏବେ ଖୁବ ଭାଇରାଲ ହେଉଛି।
ଭାଇରାଲ ଭିଡିଓଟିକୁ ଏକ୍ସରେ ଜଣେ ସେୟାର କରିଛନ୍ତି। ୭ସେକେଣ୍ଡର ଏହି ଭିଡିଓକୁ ନେଇ ଲୋକେ ନିଜର ମନ୍ତବ୍ୟ ଦେଉଛନ୍ତି। ଲକ୍ଷ ଲକ୍ଷ ଲୋକେ ଏହି ଭିଡିକୁ ଦେଖିବା ସହ ଲାଇକ୍ କରିଛନ୍ତି।
