ମୁମ୍ବାଇ: ହେମାମାଳିନୀ ଓ ଧମେନ୍ଦ୍ରଙ୍କ ଝିଅ ତଥା ବଲିଉଡ ଅଭିନେତ୍ରୀ ଈଶା ଦେଓଲ ସ୍ୱାମୀଙ୍କ ଠାରୁ ଅଲଗା ହୋଇଛନ୍ତି । ଈଶା ଦେଓଲ ଓ ଭରତ ତଖତାନୀଙ୍କ ମଧ୍ୟରେ ବିବାହ ବିଚ୍ଛେଦ ହୋଇଛି । ଦୀର୍ଘ ଦିନ ଧରି ଦମ୍ପତିଙ୍କୁ କୌଣସି କାର୍ଯ୍ୟକ୍ରମରେ ଏକାଠି ଦେଖିବାକୁ ମିଳୁନଥିବାରୁ ଉଭୟଙ୍କ ମଧ୍ୟରେ ସମ୍ପର୍କ ଭଲ ନଥିବା ଚର୍ଚ୍ଚା ହେଉଥିଲା । ଏବେ କିନ୍ତୁ ଦୁହେଁ ଆଲୋଚନାରେ ପୂର୍ଣ୍ଣଚ୍ଛେଦ ପକାଇ ଛାଡପତ୍ର ନେଇଥିବା ଘୋଷଣା କରିଛନ୍ତି । ଦୁହଁଙ୍କ ସହମତିରେ ଛାଡପତ୍ର ହୋଇଥିବା ଈଶା କହିଛନ୍ତି । ତେବେ ବିବାହ ବିଚ୍ଛେଦ ହୋଇଥିଲେ ବି ଦୁହେଁ ନିଜର ଦୁଇ ଝିଅଙ୍କୁ ପ୍ରାଥମିକତା ଦେବେ ବୋଲି ଈଶା କହିଛନ୍ତି । ଜାନୁଆରୀ ମାସ ଆରମ୍ଭରୁ ଉଭୟଙ୍କ ବିବାହ ବିଚ୍ଛେଦ ନେଇ ବଲିଉଡରେ ବେଶ ଚର୍ଚ୍ଚା ହୋଇଥିଲା ।
୨୦୧୨ରେ ବ୍ୟବସାୟୀ ଭରତ ତଖତାନୀଙ୍କୁ ବିବାହ କରିଥିଲେ ହେମାଙ୍କ ଲାଡଲି ଈଶା । ଦମ୍ପତିଙ୍କର ଦୁଇଟି ଝିଅ ଅଛନ୍ତି । ଦମ୍ପତି ବିବାହ ପରେ ଅନେକ ଦିନ ଧରି ଖୁସିରେ ରହିଥିଲେ । ହେଲେ କିଛି ମାସ ହେବ ଉଭୟଙ୍କ ମଧ୍ୟରେ ମତାନ୍ତର ସୃଷ୍ଟି ହୋଇଥିଲା । ଉଭୟ କୌଣସି ବି କାର୍ଯ୍ୟକ୍ରମକୁ ଏକାଠି ଆସୁନଥିଲେ । ଏପରିକି ଭରତ ତଖତାନୀ ହେମାମାଳିନୀଙ୍କ ଜନ୍ମଦିନ ପାଳନ କରିବାକୁ ନଆସିବାରୁ ଏହି ଈଶା ଓ ତାଙ୍କ ରିଲେସନ ଭଲ ନଥିବା ଖବର ସାମ୍ନାକୁ ଆସିଥିଲା ।
Comments are closed.