ବାଙ୍ଗିରିପୋଷି: ଝାରପୋଖରିଆ ସ୍ଥିତ ପୁରୁଷୋତ୍ତମ ଇଲେକ୍ଟ୍ରୋହୋମିଓପାଥି ମେଡିକାଲ କଲେଜ ପରିସରରେ ଏକ ରାଜ୍ୟସ୍ତରୀୟ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି` କଲେଜର ପ୍ରତିଷ୍ଠାତା ତଥା ମୟୂରଭଞ୍ଜ ଇଲେକ୍ଟ୍ରୋହୋମିଓ ଡାକ୍ତର ଆସୋସିଏସନର ସଭାପତି ଡାକ୍ତର ଚୂଡ଼ାମଣି ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦଘାଟନୀ ସଭାରେ ରସାୟନ ବିଜ୍ଞାନର ପ୍ରଫେସର ଡ ସରୋଜ ନାୟକ ଯୋଗଦେଇ ଇଲେକ୍ଟ୍ରୋହୋମିଓପାଥିର ଅଧିକ ଅତ୍ୟାଧୁନିକ ଗବେଷଣା ଉପରେ ଗୁରୁତ୍ୱ ଆରୋପ କରିଥିଲେ।
କଲେଜର ଅଧ୍ୟକ୍ଷ ଡା.ଫକୀର ଦାସ ବିବରଣୀ ପାଠ କରିଥିବା ବେଳେ, ଡା. ପଙ୍କଜ ଦାସ, ଡା. ପର୍ଶୁରାମ ସେଠୀ, ଡା. ମନୋରଞ୍ଜନ ମହାରଣା, ଅଧ୍ୟାପକ ଅଶୋକ ପୁଷ୍ଟି, ସୌରଭ ତ୍ରିପାଠୀ, ପବିତ୍ର କୁମାର ଘୋଷ ଅତିଥି ଭାବେ ଯୋଗ ଦେଇ ଇଲେକ୍ଟ୍ରୋହୋମିଓପାଥି ଏକ ନିର୍ଭରଯୋଗ୍ୟ ଓ ଜନାଦୃତ ଚିକିତ୍ସା ପଦ୍ଧତି ବୋଲି ମତ ରଖିଥିଲେ। ଡ. ଅଜୟ କୁମାର ସେନାପତି ସଭାକାର୍ଯ୍ୟ ପରିଚାଳନା କରିଥିଲେ ଓ କଲେଜର ବରିଷ୍ଠ ଅଧ୍ୟାପକ ଡା. ଗୋପାଳ ସାହୁ ଧନ୍ୟବାଦ ଅର୍ପଣ କରିଥିଲେ।
କଲେଜ ଛାତ୍ରଛାତ୍ରୀମାନଙ୍କ ଦ୍ୱାରା ସ୍ୱାଗତ ସଂଗୀତ, ନୃତ୍ୟ ଓ ସାଂସ୍କୃତିକ କାର୍ଯ୍ୟକ୍ରମ ପାରିବେଶୀତ ହୋଇଥିଲା। ପଶ୍ଚିମବଙ୍ଗ, ଝାରଖଣ୍ଡ ଓ ଓଡିଶାର ବିଭିନ୍ନ ପ୍ରାନ୍ତରରୁ ବହୁ ଇଲେକ୍ଟ୍ରୋହୋମିଓ ଡାକ୍ତର ଏହି ଆଲୋଚନାଚକ୍ର ରେ ଯୋଗଦେଇଥିଲେ।
