କେମିତି କଟିବ ଆଜିର ଦିନ: ମଙ୍ଗଳବାର ରାଶିଫଳ

ମେଷ: ଅନୁଭୂତିରୁ ଉତ୍ପନ୍ନ ଜ୍ଞାନ ଆପଣଙ୍କୁ ଗରିମାମୟ କରିପାରେ। ପରମ କଲ୍ୟାଣୀୟ ମାର୍ଗରେ ମାର୍ଗୀ ହେବାକୁ ପଡ଼ିବ। ଶତ୍ରୁକୁ ଦୁର୍ବଳ ଭାବି ଉପଯୁକ୍ତ ମୁକାବିଲା କଲେ ବିଜୟୀ ହେବେ। ସୁସ୍ଥ ଜୀବନ ବିତାଇବେ।
ବୃଷ: ଲକ୍ଷ୍ମୀଙ୍କ ଭଣ୍ଡାର ଆପଣଙ୍କ ପାଇଁ ଉନ୍ମୁକ୍ତ ରହିଛି। ସନ୍ମାର୍ଗୀ ହୋଇ ପରୋପକାରରେ ବ୍ରତୀ ହେଲେ ଭଣ୍ଡାର ପରିପୂର୍ଣ୍ଣ ହେବ। ଜଣେ ବ୍ୟକ୍ତି ବିଶେଷଭାବେ ଜନସାଧାରଣଙ୍କ ସମ୍ମାନନୀୟ ହେବେ।
ମିଥୁନ: ଆଜି ଆପଣଙ୍କ କଥାବାର୍ତ୍ତା ଓ ବ୍ୟବହାର ଅନ୍ୟମାନଙ୍କ ପସନ୍ଦଯୋଗ୍ୟ ନ ହେବା କାରଣରୁ ସମସ୍ୟା ଉପୁଜିପାରେ। ବିଭିନ୍ନ ପ୍ରକାର ଧନ୍ଦା କରିବା ସକାଶେ ବନ୍ଧୁମାନେ ପ୍ରୋତ୍ସାହିତ କରିପାରନ୍ତି। ନୂଆ ବନ୍ଧୁ ସୃଷ୍ଟି ହେବେ।
କର୍କଟ :ଆଜି ନିଜ ପରିସରରେ ସାଧାରଣ କଥାକୁ ବଡ଼ କରି ନିକଟସ୍ଥ ବ୍ୟକ୍ତି ଜଣେ କଳହର ମାତ୍ରାକୁ ବଢ଼ାଇବେ। ଅବଶ୍ୟ ପରସ୍ପର ଆଲୋଚନା ଦ୍ବାରା ସମସ୍ୟାର ସରଳ ସମାଧାନ କରିବାରେ ସମର୍ଥ ହେବେ।
ସିଂହ: କଷ୍ଟ ସହିଷ୍ଣୁ ମନୋଭାବର ହୋଇପାରନ୍ତି। ମଧୁର ଭାଷା, ପ୍ରେମପୂର୍ଣ୍ଣ ବ୍ୟବହାର କରି ଜନସାଧାରଣଙ୍କ ମନ କିଣିବେ। ଦାନକୁ ଜୀବନର ବ୍ରତଭାବେ ଗ୍ରହଣ କରି ଲୋକଙ୍କ ସେବାରେ ବିନିଯୋଗ କରିବେ।
କନ୍ୟା: ବହୁ ଦିନରୁ ଟଙ୍କା ବାକି ରଖିଥବା ଲୋକଟି ଆପଣଙ୍କୁ ଖୋଜି ଖୋଜି ଶେଷରେ ଘରେ ଆସି ଟଙ୍କା ଦେଇଯାଇପାରେ। ଦେଶ ମାତୃକାର ରକ୍ଷଣାବେକ୍ଷଣ ପାଇଁ ରଣାଙ୍ଗନରେ ଅବତୀର୍ଣ୍ଣ ହୋଇପାରନ୍ତି।
ତୁଳା: ପ୍ରେମପୂର୍ଣ୍ଣ ଭାଷା ବ୍ୟବହାର କରି ପରକୁ ଆପଣାର କରିବାର କଳା ଆପଣଙ୍କଠାରେ ଅଛି। ରାଜଯୋଗ ଥିବାରୁ ଧର୍ମ କାର୍ଯ୍ୟରେ ଧନ ବ୍ୟୟ କରି ଉଚ୍ଚ ସମ୍ମାନର ଅଧିକାରୀ ହେବେ। କର୍ମଚଞ୍ଚଳ ରହିବେ।
ବିଛା: ଜ୍ଞାନ ଗରିମାଯୁକ୍ତ ଓ କୁଳ ପ୍ରଦୀପ ହୋଇ ପରିବାରକୁ ଜ୍ଞାନାଲୋକରେ ଉଦ୍‌ଭାଷିତ କରିପାରନ୍ତି। କଷ୍ଟ କରି ଇଷ୍ଟ ପ୍ରାପ୍ତି ଆପଣଙ୍କ ଧ୍ୟେୟ ହେବ। ଅର୍ଥାଗମର ମାର୍ଗ ଉନ୍ମୁକ୍ତ କରିବାରେ ସିଦ୍ଧହସ୍ତ ହେବେ।
ଧନୁ: ଜଣେ ଦୟାର୍ଦ୍ରଚିତ୍ତ ବ୍ୟକ୍ତିଭାବେ ନିଜ ପ୍ରଶଂସା ନଶୁଣି ଖୋଲା ହସ୍ତରେ ଦୀନ ଦରିଦ୍ରଙ୍କ ସହାୟତାକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି। ରୋଗୀ କଲ୍ୟାଣ ପାଇଁ ଔଷଧ ବଣ୍ଟନ ଆପଣଙ୍କ ଧ୍ୟେୟ ହୋଇପାରେ।
ମକର:ପରାଙ୍ଗପୁଷ୍ଟ ନ ହୋଇ ନିଜର ଧୀ’ ଶକ୍ତି ପ୍ରୟୋଗରେ ପ୍ରତ୍ୟେକ କାର୍ଯ୍ୟରେ ସଫଳତା ଲାଭ କରିବେ। ସୁଖ ସମୃଦ୍ଧିପୂର୍ଣ୍ଣ ଜୀବନ ଯାପନ କରିପାରନ୍ତି। ପତ୍ନୀଙ୍କ ପରାମର୍ଶକୁ ଗ୍ରହଣ କରି କାର୍ଯ୍ୟ କରିବେ।
କୁମ୍ଭ: ରାଜସିକ ବାତାବରଣ ଅପେକ୍ଷା ସାତ୍ତ୍ବିକ ବାତାବରଣ ସାଂସାରିକ ବୈରାଗୀମାନଙ୍କ ପାଇଁ ଜରୁରୀ ଉପାଦେୟ। ଭକ୍ତି ହଁି ଧର୍ମର ମହତ୍ବ ପ୍ରତ୍ୟାଖ୍ୟାନ କରିଥାଏ। ଧନ ସାଇତି ରଖିବାରେ ପ୍ରୟାସୀ ହେବେ।
ମୀନ : ସେବା କାର୍ଯ୍ୟ ପାଇଁ ସେବକ ଭୂମିକା ଗ୍ରହଣ କରିବାକୁ କୁଣ୍ଠା ପ୍ରକାଶ କରିବେ ନାହିଁ; ମାତ୍ର ସେବା କାର୍ଯ୍ୟରେ ମନକୁ ଆସୁଥିବା ଅହଂଭାବକୁ ତୁରନ୍ତ ସମର୍ପି ଦେବା ଆବଶ୍ୟକ। ଧର୍ମ କାର୍ଯ୍ୟରେ ଧନ ବ୍ୟୟ କରିବେ।