ଶରୀରକୁ ସୁସ୍ଥ ରଖିବା ପାଇଁ ଅନେକ ଭିଟାମିନ୍ ଓ ମିନେରାଲ୍ସ ଆବଶ୍ୟକ। ଏସବୁ ମଧ୍ୟରୁ ଗୋଟିଏ ହେଉଛି ପୋଟାସିୟମ। ଏହା ଶରୀର ପାଇଁ ସବୁଠାରୁ ମହତ୍ତ୍ୱପୂର୍ଣ୍ଣ ଖଣିଜ। ପୋଟାସିୟମ ସ୍ତର ଶରୀରରେ ଜଳୀୟଅଂଶ ସହ ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିବାରେ ସହାୟକ ହୋଇଥାଏ। କେବଳ ଏତିକି ନୁହେଁ ଖଣିଜ ମାନସିକ ଦୁଃଶ୍ଚିନ୍ତା ଦୂର କରି ସ୍ନାୟୁକୁ ସୁସ୍ଥ ରଖିଥାଏ।
ପୋଟାସିୟମ ସ୍ତର କମ୍ ହେବାର ଅନେକ କାରଣ ରହିଛି। ଡାକ୍ତରଙ୍କ ପରାମର୍ଶ ବିନା ବିଭିନ୍ନ ପ୍ରକାର ଔଷଧର ସେବନ, ଅତ୍ୟଧିକ ଝାଳ ବୋହିବା, ଫୋଲିକ୍ ଏସିଡର ଅଭାବ ଆଦି ହେବା ଦ୍ୱାରା ଶରୀରରେ ପୋଟାସିୟମର ଅଭାବ ହୋଇଥାଏ।
ଲକ୍ଷଣ..
ବାରମ୍ବାର ପରିଶ୍ରା ଲାଗିବା।
ଅତ୍ୟଧିକ ଥକ୍କାପଣ ଅନୁଭବ ହେବା ।
ପାଚନ ତନ୍ତ୍ର ସଠିକ୍ ଭାବେ କାମ ନକରିବା, ଅଧିକ ଦିନ ଧରି ଖାଦ୍ୟ ଭଲ ଭାବେ ହଜମ ନହେବା,କୋଷ୍ଠକାଠିନ୍ୟ ସମସ୍ୟା ଏଭଳି ହେବା ଦ୍ୱାରା ଶରୀରରେ ପୋଟାସିୟମର ଅଭାବ ହେବାର ଲକ୍ଷଣ।
ମାଂସପେଶୀ ଜନିତ ସମସ୍ୟା ଲଗାତାର ଦେଖାଦେଲେ, ଏହା ମଧ୍ୟ ପୋଟାସିୟମ ସ୍ତର କମ୍ ହେବାର ଲକ୍ଷଣ।
ମସ୍ତିଷ୍କ ସୁସ୍ଥ ରହିବା ପାଇଁ ପୋଟାସିୟମର ମହତ୍ତ୍ୱପୂର୍ଣ୍ଣ ଭୂମିକା ରହିଛି। ତେଣୁ ପୋଟାସିୟମ ଥିବା ଖାଦ୍ୟ ନିଶ୍ଚୟ ଖାଆନ୍ତୁ।
ନିଜ ଖାଦ୍ୟରେ ଏହି ୫ଟି ଖାଦ୍ୟ ସାମିଲ କରିବା ଦ୍ୱାରା ଶରୀରରେ ପୋଟାସିୟମ ସ୍ତର ସଠିକ୍ ରହିଥାଏ।
ପାଳଙ୍ଗ ଶାଗ
ବିଭିନ୍ନ ଫଳ
ପଇଡ ପାଣି
କଦଳୀ
କଖାରୁ
ଏହି ସମସ୍ତ ଖାଦ୍ୟରେ ପୋଟାସିୟମ ଭରପୁର ମାତ୍ରାରେ ରହିଛି। ନିଜ ଦୈନନ୍ଦିନ ଖାଦ୍ୟରେ ପୋଟାସିୟମ ଅଭାବ ଦୂର କରିବା ପାଇଁ ଏହି ସମସ୍ତ ଖାଦ୍ୟର ସେବନ କରନ୍ତୁ। ଆଳୁ ମଧ୍ୟ ଖାଇପାରିବେ। ନିୟମିତ ସକାଳେ ବାଦାମ ଖାଇବା ଦ୍ୱାରା ଶରୀରରେ ପୋଟାସିୟମ ସ୍ତର ସଠିକ୍ ରହିଥାଏ।
ଥକ୍କାପଣ,କୋଷ୍ଠକାଠିନ୍ୟ,ମାନସିକ ଚିନ୍ତାର କାରଣ ପୋଟାସିୟମର ଅଭାବ..
Popular Categories
Previous article
Next article