ଦିଲ୍ଲୀ: ଏକ ପୋଷାକ ଦୋକାନରେ ଭୟାବହ ଅଗ୍ନିକାଣ୍ଡ ଘଟିଛି । ରବିବାର ଉତ୍ତର-ପୂର୍ବ ଦିଲ୍ଲୀର ଶାହାଦରା ଅଂଚଳରେ ଥିବା ପୋଷାକ ଦୋକାନରେ ହଠାତ ନିଆଁ ଲାଗିଯାଇଥିଲା । ନିଆଁରେ ପୋଡି ହୋଇ ଲକ୍ଷ ଲକ୍ଷ ଟଙ୍କାର ସାମଗ୍ରୀ ନଷ୍ଟ ହୋଇଯାଇଛି । ଅଗ୍ନିକାଣ୍ଡରେ କେହି ଆହତ ହୋଇଥିବାର ସୂଚନା ମିଳିନଥିବା ଦିଲ୍ଲୀ ଅଗ୍ନିଶମ ବିଭାଗ ପକ୍ଷରୁ କୁହାଯାଇଛି । ଅଗ୍ନିଶମ ବିଭାଗ ପକ୍ଷରୁ କୁହାଯାଇଛି ଯେ ରବିବାର ରାତି ୯ଟାରେ ଶାହାଦରାର ଗାନ୍ଧୀନଗର ଅଂଚଳରେ ଥିବା ଏକ ପୋଷାକ ଦୋକାନରେ ନିଆଁ ଲାଗିଥିବା ଖବର ମିଳିଥିଲା । ପରେ ଘଟଣାସ୍ଥଳକୁ ୮ଟି ଦମକଳ ଗାଡି ପଠାଯାଇଥିଲା । ବହୁ ପ୍ରୟାସ ପରେ ନିଆଁକୁ ଆୟତ କରାଯାଇଥିଲା ।
ସ୍ୱଭାଗ୍ୟ ବଶତଃ ଏହି ଅଗ୍ନିକାଣ୍ଡରେ କୌଣସି ଜୀବନ ହାନି ହୋଇନାହିଁ । ଦୋକାନର ମାଲିକ ମୁକେଶ ଜେନା କହିଛନ୍ତି ଯେ ରବିବାର ସନ୍ଧ୍ୟା ୭ଟାରେ ଦୋକାନ ବନ୍ଦ କରି ଘରକୁ ପଳାଇଥିଲେ । ୮ଟା ୪୫ରେ ଦୋକାନରେ ନିଆଁ ଲାଗିଥିବା ଖବର ପାଇଥିଲେ । ପରେ ସେ ପୁଲିସ ଏବଂ ଦମକଳ ଟିମକୁ ଖବର ଦେଇ ଘଟଣାସ୍ଥଳରେ ପହଂଚିଥିଲେ । ସେ କହିଛନ୍ତି ଯେ ଅଗ୍ନିକାଣ୍ଡରେ ତାଙ୍କର ଲକ୍ଷ ଲକ୍ଷ ଟଙ୍କାର ସମଗ୍ରୀ ପୋଡି ପାଉଁସ ହୋଇଯାଇଛି ।
Comments are closed.