ଗୁରୁଡିଝାଟିଆ: ବାଳିସ୍ଥିତ ଧବଳେଶ୍ୱର ବିଜ୍ଞାନ ଓ ବୈଷୟିକ ମହାବିଦ୍ୟାଳୟରେ ଜାତୀୟ ଯୁବଦିବସ ପାଳିତ ହୋଇଛି। ଯୁବରେଡକ୍ରସର କାଉନସିଲର ଅଧ୍ୟାପିକା ଡ. ମମତା ସେନାପତିଙ୍କ ସଂଯୋଜନାରେ ଅନୁଷ୍ଠିତ ଜାତୀୟ ଯୁବଦିବସରେ ମହାବିଦ୍ୟାଳୟ ଅଧ୍ୟକ୍ଷ ସୁରେଶ ଚନ୍ଦ୍ର ରାଉତରାୟ ଅଧ୍ୟକ୍ଷତା କରି କହିଥିଲେ, ଯୁବଶକ୍ତି ଦେଶର ମେରୁଦଣ୍ଡ, ଦେଶକୁ ପ୍ରଗତି ଓ ଉନ୍ନତି ପଥରେ ଆଗେଇନେବା ଦିଗରେ ଯୁବକମାନେ ନିର୍ଣ୍ଣାୟକ ଭୁମିକା ନେଇଥାନ୍ତି। ଅଧ୍ୟାପିକା ସୁନନ୍ଦା ସାହୁ, ଅଧ୍ୟାପକ ଶଶିକାନ୍ତ ମହାନ୍ତି ପ୍ରମୁଖ ଉପସ୍ଥିତ ବିଦ୍ୟାର୍ଥୀମାନଙ୍କୁ ଯୁବଶକ୍ତି ଓ ସ୍ୱାମୀ ବିବେକାନନ୍ଦଙ୍କ ଜୀବନାଦର୍ଶ ସଂପର୍କରେ ଆଲୋକପାତ କରିଥିଲେ। ଏହି ଅବସରରେ ବିଦ୍ୟାର୍ଥୀମାନଙ୍କୁ ନେଇ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଅଧ୍ୟାପକ ରଶ୍ମୀରଞ୍ଜନ ମହାପାତ୍ର ଧନ୍ୟବାଦ ଅର୍ପଣ କରିଥିଲେ।
Comments are closed.