ବାଂଲାଦେଶରେ ଇଣ୍ଡିଗୋ ବିମାନର ଜରୁରୀ ଅବତରଣ

ନୂଆଦିଲ୍ଲୀ : ଶନିବାର ସକାଳେ ମୁମ୍ବାଇରୁ ଗୌହାଟୀ ଯାଉଥିବା ଏକ ଇଣ୍ଡିଗୋ ବିମାନ ବାଂଲାଦେଶରେ ଅବତରଣ କରିଛି। କାରଣ ଘନ କୁହୁଡି ଯୋଗୁଁ ବିମାନଟି ଅବତରଣ କରିପାରିନଥିଲା। ତେଣୁ ଆସାମଠାରୁ ୪୦୦ କିଲୋମିଟର ଦୂରରେ ଥିବା ଢାକାକୁ ବିମାନ ଡାଇଭର୍ଟ କରାଯାଇଥିଲା। ବିମାନରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ସୂଚନା ମିଳିଛି।

ମୁମ୍ବାଇ ଯୁବ କଂଗ୍ରେସ ନେତା ସୂରଜ ସିଂ ଠାକୁର ନିଜ ସୋସିଆଲ ମିଡିଆ ଜରିଆରେ ସୂଚନା ଦେଇଛନ୍ତି । ସେ କହିଛନ୍ତି ବିମାନଟି ମୁମ୍ବାଇକୁ ଗୌହାଟୀକୁ ଉଡାଣ ଭରିଥିଲା। ସେ ଇମ୍ପାଲରେ କଂଗ୍ରେସର ଭାରତ ଯୋଡ ଯାତ୍ରାରେ ସାମିଲ ହେବାକୁ ଯାଉଥିଲେ । କିନ୍ତୁ ହଠାତ୍ ବିମାନଟି ଡାଇଭର୍ଟ ହୋଇଯାଇଥିଲା। ଘନ କୁହୁଡି ଯୋଗୁଁ ବିମାନ କର୍ମଚାରୀ ମାନେ ବିପଦ ନେବାକୁ ଚାହୁଁନଥିଲେ । ତେଣୁ ବିମାନଟିକୁ ଜରୁରୀକାଳୀନ ଅବତରଣ କରିବାକୁ ପଡିଛି।