ରେଙ୍ଗାଲିକ୍ୟାମ୍ପ: ଅତାବିରା ତଥା ଆଖପାଖ ଅଞ୍ଚଳରେ ସଟ୍ଟା ଖେଳର ପ୍ରାଦୁର୍ଭାବ ବଢ଼ି ଚାଲିଛି। ଏଥିରେ ବୃଦ୍ଧ ଗୋଷ୍ଠୀଠାରୁ ଆରମ୍ଭ କରି ଯୁବଗୋଷ୍ଠୀ ପର୍ଯ୍ୟନ୍ତ ସମସ୍ତେ ଧୀରେ ଧୀରେ ଲିପ୍ତ ହେବାରେ ଲାଗିଛନ୍ତି। ଏହାର ପ୍ରଭାବରେ ଅଞ୍ଚଳରେ ଚୋରି ଡକାୟତି ଆଦି ବଢିବା ସହ ପରିବାରମାନଙ୍କରେ ଅର୍ଥକୁ ନେଇ କଳହ ଲାଗି ରହୁଛି। ଅଞ୍ଚଳରେ ଅସାମାଜିକ କାର୍ଯ୍ୟକଳାପକୁ ରୋକିବାକୁ ହେଲେ ଏହି ଜୁଆ ଓ ସଟ୍ଟା ପରି କାର୍ଯ୍ୟକଳାପକୁ ବନ୍ଦ କରିବାକୁ ହେବ। ତେଣୁ ଅତାବିରା ପୁଲିସ ସଟ୍ଟା ଓ ଜୁଆ ଖେଳରେ ଲିପ୍ତ ଥିବା ଅପରାଧୀମାନଙ୍କୁ ଧରିବା ପାଇଁ ନିରନ୍ତର ପ୍ରୟାସ କରିବା ସହିତ ଚାରିଆଡ଼େ ଜାଲ ବିଛାଇ ରଖିଥିବା ଜଣାପଡିଛି। ଶୁକ୍ରବାର ପୁଣି ଦୁଇ ଜଣଙ୍କୁ ଅତାବିରା ଥାନାର ଗୋଡଭଗା ଫାଣ୍ଡି ଅଧିନସ୍ଥ ଲରମ୍ଭା ଛକରେ ଚଢ଼ାଉ କରି ଗିରଫ କରିଛି ପୁଲିସ। ଏନେଇ ପୃଥକ ପୃଥକ ଭାବରେ ୨ ଗୋଟି ମାମଲା ରୁଜୁ ହୋଇଛି। ଜାମିନ ନାମଞ୍ଜୁର ହେବାରୁ ସେମାନଙ୍କୁ କୋର୍ଟ ଚାଲାଣ କରାଯାଇଛି। ଗିରଫ ୨ ଜଣ ହେଲେ ଲରମ୍ଭାର ସୁଶାନ୍ତ ଦେହୁରୀ ଓ ପ୍ରଦୀପ ପ୍ରଧାନ। ସେମାନଙ୍କଠାରୁ ସମୁଦାୟ ୪୧୧୦ ଟଙ୍କା ନଗଦ ଓ ସଟ୍ଟା ଚାର୍ଟ ଜବତ କରାଯାଇଛି। ପୁଲିସର ଏହି ପ୍ରୟାସକୁ ଅଞ୍ଚଳରେ ସାଧୁବାଦ ଦିଆଯାଇଛି।
Popular Categories
Previous article
Next article