ଡେସ୍କ: ୬୯ତମ ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିବା ୨୦୨୧ର ଚଳଚ୍ଚିତ୍ରଗୁଡ଼ିକ ଚଳିତ ମାସ ୧୪ରୁ ୨୫ ତାରିଖ ମଧ୍ୟରେ ଦିଲ୍ଲୀରେ ପ୍ରଦର୍ଶିତ ହେବ। ଦିଲ୍ଲୀର ସିରିଫୋର୍ଟ ଅଡିଟୋରିୟମରେ ୧୨ ଦିନ ମଧ୍ୟରେ ୧୮ଟି ଭାଷାର ମୋଟ ୩୦ଟି ଫିଚର ଫିଲ୍ମ ଏବଂ ୨୭ଟି ଅଣ-ଫିଚର ଫିଲ୍ମ ପ୍ରଦର୍ଶିତ ହେବ। ଏହି ଚଳଚ୍ଚିତ୍ରଗୁଡ଼ିକ ମଧ୍ୟରେ ‘ଦ ନାମ୍ବି ଇଫେକ୍ଟ’, ‘କାଶ୍ମୀର ଫାଇଲ’, ‘ଗଙ୍ଗୁବାଇ କାଥିଆୱାଡି’ ଏବଂ ‘ଇଖୋଇଗି ୟୋମ’ ଭଳି ଚଳଚ୍ଚିତ୍ର ପ୍ରଦର୍ଶିତ ହେବ। ପ୍ରଥମେ ଆସିଥିବା ଲୋକମାନେ ପ୍ରଥମେ ଏହି ଚଳଚ୍ଚିତ୍ର ମାଗଣାରେ ଦେଖି ପାରିବେ। ସମସ୍ତ ଚଳଚ୍ଚିତ୍ର ପାଇଁ ଇଂରାଜୀ ଭାଷାରେ ସବଟାଇଟଲ ଉପଲବ୍ଧ ହେବ।
ରାଷ୍ଟ୍ରପତି ଦ୍ରୌପଦୀ ମୁର୍ମୁ ଗତ ମାସ ୧୬ ତାରିଖରେ ନୂଆଦିଲ୍ଲୀରେ ୬୯ତମ ଜାତୀୟ ଚଳଚ୍ଚିତ୍ର ପୁରସ୍କାର ପ୍ରଦାନ କରିଥିଲେ।
