ନୂଆଦିଲ୍ଲୀ : ନିର୍ବାଚନ କାର୍ଯ୍ୟସୂଚୀ ଘୋଷଣା ସହିତ ବିଜେପି ମଧ୍ୟପ୍ରଦେଶ ଓ ରାଜସ୍ଥାନ ପାଇଁ ପ୍ରାର୍ଥୀ ତାଲିକା ପ୍ରକାଶ କରିଛି। ଦଳ ପକ୍ଷରୁ କଂଗ୍ରେସ ଶାସିତ ରାଜ୍ୟ ରାଜସ୍ଥାନର ୪୧ ଓ ଛତିଶଗଡ଼ର ୬୪ ଏବଂ ବିଜେପି ଶାସିତ ରାଜ୍ୟ ମଧ୍ୟପ୍ରଦେଶର ୫୭ ଆସନ ପାଇଁ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି। ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାଣଙ୍କ ନାମ ପ୍ରଥମ ଦୁଇ ପର୍ଯ୍ୟାୟ ପ୍ରାର୍ଥୀ ତାଲିକାରେ ନ ଥିବା ନେଇ ସୃଷ୍ଟି ହୋଇଥିବା ଆଶଙ୍କା ଦୂର ହୋଇଛି। ତାଙ୍କୁ ବୁଧନି ଆସନରୁ ପ୍ରାର୍ଥୀ କରାଯାଇଛି। ରାଜସ୍ଥାନ ପ୍ରାର୍ଥୀ ତାଲିକାରେ ୭ ଜଣ ସାଂସଦ ରାଜ୍ୟବର୍ଦ୍ଧନ ସିଂହ ରାଠୋର, ଦୀୟା କୁମାରୀ, ଭଗୀରଥ ଚୌଧରୀ, ବାବା ବାଳକନାଥ, ହଂସରାଜ ମୀଣା, କିରୋଦି ଲାଲ ମୀଣା, ଦେବଜୀ ପଟେଲ ଓ ନରେନ୍ଦ୍ର କୁମାରଙ୍କ ନାମ ରହିଛି। ଦଳ ଏହି ରାଜ୍ୟରେ ଗୁଜ୍ଜର ଓ ମୀଣା ସମ୍ପ୍ରଦାୟର ଭୋଟ୍ ହାସଲ ପାଇଁ ଲକ୍ଷ୍ୟ ରଖିଛି। ସବୁଠୁ ଗୁରୁତ୍ବପୂଣ୍ତର୍ଣ୍ଣ ହେଉଛଇ, ପ୍ରାର୍ଥୀ ତାଲିକାରେ ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ସିନ୍ଧିଆଙ୍କ ନାମ ନାହିଁ। ବିଜେପି ତାଙ୍କ ବଦଳରେ ରାଜ ପରିବାର ସଦସ୍ୟ ଦୀୟା କୁମାରୀଙ୍କୁ ପ୍ରୋତ୍ସାହିତ କରୁଥିବା କୁହାଯାଉଛି। ଛତିଶଗଡ଼ ପ୍ରାର୍ଥୀ ତାଲିକାରେ ପୂର୍ବତନ ମୁଖ୍ୟମନ୍ତ୍ରୀ ଡା ରମଣ ସିଂହ ଓ ପ୍ରଦେଶ ବିଜେପି ସଭାପତି ଅରୁଣ ସାଉଙ୍କ ନାମ ରହିଛି। ପୂର୍ବରୁ ବିଜେପି ତିନି କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂହ ତୋମାର, ପ୍ରହଲ୍ଲାଦ ଜୋଷୀ ଓ ଫଗନ ସିଂହ କୁଲାସ୍ତେଙ୍କ ସମେତ ୪ ସାଂସଦଙ୍କୁ ମଧ୍ୟପ୍ରଦେଶ ବିଧାନସଭା ନିର୍ବାଚନରେ ପ୍ରାର୍ଥୀ କରିଛି।
Popular Categories
Previous article
Next article