ବେଙ୍ଗାଲୁରୁ: ଦେଶର ଅନ୍ୟାନ୍ୟ ସହର ମଧ୍ୟରେ ବେଙ୍ଗାଲୁରୁରେ ପେସାଦାରଙ୍କୁ ସବୁଠାରୁ ଅଧିକ ଦରମା ମିଳୁଛି। ତା ପଛକୁ ପଛ ମୁମ୍ବଇ ଓ ଦିଲ୍ଲୀ ରହିଛନ୍ତି। ବେଙ୍ଗାଲୁରୁରେ ବର୍ଷକୁ ହାରାହାରି ୧୨ ଲକ୍ଷ ଟଙ୍କା ମିଳୁଥିବା ବେଳେ ମୁମ୍ବଇରେ ୯ ଲକ୍ଷ, ଦିଲ୍ଳୀରେ ୯ ଲକ୍ଷରୁ ସାମାନ୍ୟ କମ୍, ହାଇଦ୍ରାବାଦ୍ରେ ୮.୫ ଲକ୍ଷ ଓ ଚେନ୍ନାଇରେ ୬.୩ ଲକ୍ଷ ଟଙ୍କା ମିଳୁଛି।
ଏବେ ଦେଶରେ ହାର୍ଡୱେର ପେସାଦାରଙ୍କ ଚାହିଦା ଅଧିକ ରହିଛି। ବେଙ୍ଗାଲୁରୁରେ ହାର୍ଡୱେର ପେସାଦାରଙ୍କ ଚାହିଦା ଏବେ ଅଧିକ ରହିଛି। ଚିପ୍ ଓ ସେମିକଣ୍ଡକ୍ଟର ଚାହିଦା ବୃଦ୍ଧି ଯୋଗୁଁ ସେମାନଙ୍କ ଦରମା ହାର ମଧ୍ୟ ବଢ଼ିଛି। ଦୁଇ ବର୍ଷ ପୂର୍ବେ ୩ ବର୍ଷର ଅଭିଜ୍ଞତା ଥିବା ହାଡ୍ର୍ୱେର ପେସାଦାରଙ୍କ ଦରମା ଯେତିକି ଥିଲା ଏବେ ସେଥିରେ ପ୍ରାୟ ଦେଢ଼ ଗୁଣା ବୃଦ୍ଧି ପାଇଛି। ହାର୍ଡୱେର ଓ ନେଟ୍ୱର୍କିଂ ଚାକିରିରେ ହାରାହାରି ବାର୍ଷିକ ୧୫ ଲକ୍ଷ ଟଙ୍କା ମିଳୁଥିବା ବେଳେ ସଫ୍ଟୱେରରେ ବାର୍ଷିକ ୧୨ ଲକ୍ଷ ଓ କଞ୍ଜ୍ୟୁମର ଡ୍ୟୁରେବଲ୍ସରେ ବାର୍ଷିକ ୧୦ ଲକ୍ଷ ଟଙ୍କା, ସ୍ୱାସ୍ଥ୍ୟ ସେବାରେ ୧୦ ଲକ୍ଷ, ଆର୍ଥିକ ସଂସ୍ଥାରେ ୯.୫ ଲକ୍ଷ, କମ୍ପାନୀ ସେବାରେ ୯.୪ ଲକ୍ଷ, ନିର୍ମାଣ କ୍ଷେତ୍ରରେ ୮.୩ ଲକ୍ଷ, ମନୁଫ୍ୟାକଚରିଂରେ ୮.୧୫ ଲକ୍ଷ, ରିଏଲ୍ ଇଷ୍ଟେଟ୍ରେ ୭.୮ ଲକ୍ଷ, ଗଣମାଧ୍ୟମ ଓ ଯୋଗାଯୋଗରେ ୭.୧୫ ଲକ୍ଷ ଟଙ୍କା ମିଳୁଛି।
ବେଙ୍ଗାଲୁରୁରେ ଦରମା ହାର ସର୍ବାଧିକ
Popular Categories
Previous article
Next article