ପାଟଣା : ପାଟଣା ବନାଞ୍ଚଳ ଇଲାକାର ରେଙ୍ଗାଳବେଡା ଜଙ୍ଗଲରେ ଡେରା ପକାଇଥିବା ହାତୀପଲଙ୍କୁ ଦେଖିବା ଓ ଘଉଡାଇବା ପାଇଁ ବହୁ ଲୋକ ଯାଉଥିବାରୁ ହାତୀପଲରୁ ଗୋଟିଏ ଦନ୍ତା କ୍ରମଶଃ ଉଗ୍ର ରୁପ ନେଉଥିବା ଦେଖାଯାଇଛି। ଦେଖଣାହାରିଙ୍କର ଦୁଇଟି ବାଇକ ଦନ୍ତା ଭାଙ୍ଗି ଥିବା ବେଳେ ଗତକାଲି ସନ୍ଧ୍ୟାରେ ଦନ୍ତାହାତୀ ଲୋକଙ୍କୁ ଆକ୍ରମଣ କରି ଜଣଙ୍କୁ ଗୁରୁତର କରିଥିଲା। ତାଙ୍କୁ ତୁରନ୍ତ ପାଟଣା ଡାକ୍ତରଖାନା ଅଣାଯାଇଥିଲେ ମଧ୍ୟ ସେଠାରେ ତାଙ୍କ ମୃତ୍ୟୁ ହୋଇଥିଲା। ମୃତ ବ୍ୟକ୍ତି ଜଣକ ମିରିଗିଖୋଜି ପଞ୍ଚାୟତ କଟାବେଡା ଗ୍ରାମର କ୍ଷୀରୋଦ ମହାନ୍ତ (୫୩) ବୋଲି ଜଣାପଡିଛି। ହାତୀଟି ତାଙ୍କୁ ଶୁଣ୍ଢରେ ଉଠାଇ କଚାଡ଼ି ଦେବାରୁ ସେ ମୃତ୍ୟୁ ବରଣ କରିଥିବା ଜଣାପଡିଛି।
Popular Categories
Previous article
Next article