ବିଶ୍ରା: ସୁନ୍ଦରଗଡ଼ ଜିଲା ବିଶ୍ରା ବ୍ଲକ ଅନ୍ତର୍ଗତ ବନ୍ଧମୁଣ୍ଡା ରେଳବାଇ କ୍ଲାସିଫିକେସନ ୟାର୍ଡଠାରେ ଦୁଇଟି ମାଲଗାଡ଼ି ମଧ୍ୟରେ ଧକ୍କା ହେବା ଯୋଗୁଁ ଗୋଟିଏ ମାଲଗାଡିର ୩ଟି ବଗି ଲାଇନଚ୍ୟୁତ ହୋଇଛି। ମାତ୍ର ରେଳବାଇ ବିଭାଗ ବିନା ହୁଟର ବଜାଇ ମାଲଗାଡ଼ି ବଗି ଉଠାଇବା ଘଟଣା ଚର୍ଚ୍ଚାର ବିଷୟ ହୋଇଛି।
ପ୍ରାପ୍ତ ସୂଚନାରୁ ପ୍ରକାଶ ଯେ ଶୁକ୍ରବାର ଅପରାହ୍ଣରେ ବନ୍ଧମୁଣ୍ଡା ରେଲବାଇ କ୍ଲାସିଫିକେସନ ୟାର୍ଡର ଦଶ ନମ୍ବର ଲାଇନରେ ଟ୍ରେନ୍ ସଣ୍ଟିଂ ହେଉ ଥିଲା। ସେହି ସମୟରେ ୧୧ ନମ୍ବର ଲାଇନରେ ଛିଡ଼ା ଥିବା ଗେଟି ବୋଝେଇ ଏକ ମାଲଗାଡ଼ି ପଛ ପଟୁ ଆସି ସଣ୍ଟିଂ ହେଉ ଥିବା ମାଲଗାଡ଼ିକୁ ଧକ୍କା ଦେଇ ଥିଲା। ଫଳରେ ଉକ୍ତ ମାଲଗାଡ଼ିର ୩ଟି ବଗି ଲାଇନଚ୍ୟୁତ ହୋଇଥିଲା। ଅପରାହ୍ଣ ପ୍ରାୟ ୪ଟା ବେଳେ ଲାଇନଚ୍ୟୁତ ହୋଇ ଥିବା ବଗିଗୁଡ଼ିକୁ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା।
ରେଳବାଇ କର୍ତ୍ତୃପକ୍ଷଙ୍କ ତରଫରୁ ବିନା ହୁଟର ବଜାଇ କେବଳ ମୋବାଇଲ ଫୋନ ମେସେଜ ମାଧ୍ୟମରେ ବଗି ଉଠାଇବା ଆଲୋଚନାର ବିଷୟ ହୋଇଛି।
Comments are closed.