ହରଭଙ୍ଗା : ଖୋର୍ଦ୍ଧା -ବଲାଙ୍ଗୀର ରେଳପଥ ନିର୍ମାଣ କାର୍ଯ୍ୟରେ ନିୟୋଜିତ ଠିକା ସଂସ୍ଥାର ମନମୁଖୀ କାର୍ୟ୍ୟ ସାମ୍ନାକୁ ଆସିଛି। ସରପଞ୍ଚଙ୍କ ବିନା ଅନୁମତିରେ ପଂଚାୟତର ନଳକୂପରୁ ନିଜ କ୍ୟାମ୍ପ ପାଇଁ ପାଣିଚୋରି ଘଟଣାକୁ ନେଇ ସ୍ଥାନୀୟ ସରପଞ୍ଚ ଅଜିତ କୁମାର ପ୍ରଧାନ ଅଭିଯୋଗ ଉଠାଇବା ସହିତ ଦୃଢ଼ କାର୍ୟ୍ୟାନୁଷ୍ଠାନ ଦାବୀ କରିଛନ୍ତି।
ପ୍ରକାଶ ଯେ ଖୋର୍ଦ୍ଧା -ବଲାଙ୍ଗୀର ରେଳପଥ ନିର୍ମାଣ ସଂସ୍ଥା ହରଭଙ୍ଗା ବ୍ଲକର ଆଦିବାସୀ ଅଧ୍ୟୁଷିତ ଆଡ଼େନିଗଡ଼ ପଂଚାୟତର ଜାତୀୟ ରାଜପଥ ଠାରୁ କାଚପାଜୁ ରାସ୍ତାରେ ଏକ କ୍ୟାମ୍ପ କରିଛି । କ୍ୟାମ୍ପ ପାଇଁ ପାଣି ଆବଶ୍ୟକ ପଡିବାରୁ ଗୋଛାବାରୀ ଗ୍ରାମବାସୀଙ୍କ ନଳକୂପରୁ ହ୍ୟାଣ୍ଡଲ ହଟାଇ ନଲକୁପରୁ ପାଇପ ଲଗାଇ ପାଣି ମନଇଛା ବ୍ୟବହାର କରୁଥିବା ଦେଖିବାକୁ ମିଳିଛି।ଫଳରେ ଗୋଛାବାରୀ ଗ୍ରାମର ୫୦ପରିବାର ପାଣି ପାଇଁ ହନ୍ତସନ୍ତ ଭୋଗୁଛନ୍ତି। ଏ ଦିଗରେ ଜିଲାପାଳ ତୁରନ୍ତ କାର୍ୟ୍ୟାନୁଷ୍ଠାନ ନେବାକୁ ଦାବୀ ହେଉଛି। ନଚେତ ଗାଁ ଲୋକ ରାଜରାସ୍ତା ରୋକ କରିବାକୁ ଧମକ ଦେଇଛନ୍ତି ।
Comments are closed.