ହରଭଙ୍ଗା: ହରଭଙ୍ଗା ବ୍ଲକ ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥରୁ ଯାଜପୁର, ଅଠରନଳା, ଡିଗିସିରା, ବାଲିସାହି, ବିଲାବାଡି ଭଳି ୫ଖଣ୍ଡ ଗାଁକୁ ସଂଯୋଗ ପାଇଁ ଲକ୍ଷ୍ମୀନାଳ ଉପରେ ଏକ ବିଜୁସେତୁ ନିର୍ମାଣ କାର୍ଯ୍ୟ ସରିଛି। ମାତ୍ର ଜାତୀୟ ରାଜପଥରୁ ସେତୁକୁ ସଂଯୋଗ କରିଥିବା ରାସ୍ତା ମଝିରେ ଏକ ବିଦ୍ୟୁତ୍ ଖୁଣ୍ଟ ରହିଛି। ଯାହାଫଳରେ ଏହି ରାସ୍ତା ଦେଇ ଭାରିଯାନ ସାଙ୍ଗକୁ ଅନ୍ୟାନ୍ୟ ଯାନବାହାନ ଯାତାୟତରେ ଅସୁବିଧା ହେଉଛି। ଏପରିକି ୧୧ କେଭି ତାର ସଂଯୋଗ ଥିବା ବିଦ୍ୟୁତ୍ ଖୁଣ୍ଟରେ ଦୁର୍ଭାଗ୍ୟବଶତଃ ଦୁର୍ଘଟଣା ଘଟିଲେ ପ୍ରାଣହାନୀ ହେବାର ମଧ୍ୟ ଆଶଙ୍କା ରହିଛି। ତୁରନ୍ତ ଏ ଦିଗରେ ବିଦ୍ୟୁତ୍ ବିଭାଗ ସ୍ୱତନ୍ତ୍ର ଦୃଷ୍ଟି ଦେବାକୁ ଦାବୀ ହେଉଛି।
ସୂଚନା ଥାଉ କି, ବହୁତ ଦିନର ଦାବୀ ପରେ ପୁରୁଣାକଟକ ପଂଚାୟତର ଯାଜପୁର, ଅଠରନଳା, ଏବଂ ବାଣିଭୂଷଣପୁର ପଂଚାୟତର ଡିଗସିରା, ବାଲିସାହି ଗାଁ ଲୋକଙ୍କ ସୁବିଧା ପାଇଁ ୪କୋଟି ୭୨ଲକ୍ଷ ୭୯ହଜାର ଟଙ୍କା ବ୍ୟୟ ଅଟକଳରେ ଏହି ସେତୁ କାର୍ଯ୍ୟ ଗ୍ରାମ୍ୟ ନିର୍ମାଣ ବିଭାଜନ ବିଭାଗ ଦ୍ୱାରା ସମ୍ପାଦିତ ହୋଇଛି।
Comments are closed.