ଭୁବନେଶ୍ୱର: ଭାରତରେ ଇନ୍ଫର୍ଟିଲିଟିର ବ୍ୟାପକତା ଯଥେଷ୍ଟ ଅଧିକ ରହଛି, ଏଠାରେ ପ୍ରତି ୬ ଜଣ ଦମ୍ପତିଙ୍କ ମଧ୍ୟରୁ ଜଣେ ଦମ୍ପତି ଗର୍ଭଧାରଣ କରିବା ପାଇଁ ସମସ୍ୟାର ସମ୍ମୁଖୀନ ହେଉଛନ୍ତି । ଗର୍ଭଧାରଣର ଏକ ପ୍ରଭାବଶାଳୀ ପଦ୍ଧତି ଭାବେ ଆଇଭିଏଫ୍ର ସଫଳତା ଓ ମହତ୍ୱକୁ ପାଳନ କରିବା ପାଇଁ ପ୍ରତିବର୍ଷ ଜୁଲାଇ ୨୫ ତାରିଖରେ ବିଶ୍ୱ ଆଇଭିଏଫ୍ ଦିବସ ପାଳନ କରାଯାଉଛି । ଏସମ୍ପର୍କରେ ବିର୍ଲା ଫର୍ଟିଲିଟି ଆଣ୍ଡ ଆଇଭିଏଫ୍ର ଡଃ ଲିପ୍ସା ମିଶ୍ର କହିଛନ୍ତି, ‘ଗୁରୁତ୍ୱପୂର୍ଣ୍ଣ ସାମାଜିକ, ମାନସିକ, ଅର୍ଥନୈତିକ ଓ ଶାରୀରିକ ପ୍ରଭାବ ସତ୍ୱେ ବନ୍ଧ୍ୟାତ୍ୱ ଭୁଲ୍ଧାରଣା ମଧ୍ୟରେ ଆବଦ୍ଧ ହୋଇ ରହିଛି ଏବଂ ଏହାକୁ ନେଇ ଅପବାଦ ମଧ୍ୟ ଜାରି ରହିଛି । ସଚେତନତାର ଅଭାବ, ଚିକିତ୍ସା ଖର୍ଚ୍ଚ ଓ ଗୁଣାତ୍ମକ ସେବାଗୁଡିକ ପାଇଁ କମ୍ ଉପଲବ୍ଧତା କାରଣରୁ ଭାରତରେ ୧%ରୁ କମ୍ ଦମ୍ପତି ବନ୍ଧ୍ୟାତ୍ୱ ପାଇଁ ଡାକ୍ତରୀ ପରାମର୍ଶ କିମ୍ବା ଚିକିତ୍ସା ପାଇଁ ଚେଷ୍ଟା କରିଥାନ୍ତି । ବିର୍ଲା ଫର୍ଟିଲିଟି ଏବଂ ଆଇଭିଏଫରେ ଆମର ପ୍ରୟାସ ହେଉଛି ସଚେତନତା ସୃଷ୍ଟି କରିବା ଏବଂ ଭରସାଯୋଗ୍ୟ ଓ ସୁଲଭ ପ୍ରଜନନ ଚିକିତ୍ସା ଉପଲବ୍ଧ କରାଇବା । ଗୋଟିଏ ଛାତ ତଳେ ବହୁ ବିଭାଗୀୟ ଯତ୍ନ ପ୍ରଦାନ କରି ଦମ୍ପତିମାନଙ୍କ ସାମଗ୍ରିକ ପ୍ରଜନନ ସ୍ୱାସ୍ଥ୍ୟକୁ ଉନ୍ନତ କରିବା ଉପରେ ଏହାର ଗୁରୁତ୍ୱ କ୍ଷେତ୍ରରେ ଆମର ଚିକିତ୍ସକୀୟ ଆଭିମୁଖ୍ୟ ସ୍ୱତନ୍ତ୍ର ଅଟେ ।’
ସୁଲଭ ପ୍ରଜନନ ସମାଧାନକୁ ବୃଦ୍ଧି କରିବା ରୋଗୀମାନଙ୍କ ପାଇଁ ଏକ ଗେମ୍-ଚେଞ୍ଜର ହୋଇପାରେ । ବିର୍ଲା ଫର୍ଟିଲିଟି ଆଣ୍ଡ ଆଇଭିଏଫ୍ ରୋଗୀମାନଙ୍କ ପାଇଁ ଚିକିତ୍ସକୀୟ ରୂପେ ନିର୍ଭରଯୋଗ୍ୟ ଚିକିତ୍ସା, ସୁଲଭ ଓ ସ୍ୱଚ୍ଛ ମୂଲ୍ୟ ଏବଂ ସମାନୁଭୂତି ଓ ବିଶ୍ୱସନୀୟ ଯତ୍ନର ପ୍ରତିଶ୍ରୁତି ଦେଉଛି । ଖୁବ୍ କମ୍ ସମୟ ମଧ୍ୟରେ ଏହି ସଂସ୍ଥା ଶିଳ୍ପ ଅଗ୍ରଣୀ ଫଳାଫଳ ସୃଷ୍ଟି କରିଥିବା ବେଳେ ଗର୍ଭଧାରଣ ହାର ସର୍ବାଧିକ ୮୫% ରହିଛି ଏବଂ ଏହାଦ୍ୱାରା ୯୫%ରୁ ଅଧିକ ରୋଗୀ ସନ୍ତୁଷ୍ଟ ହୋଇଛନ୍ତି । ଆଇଭିଏଫ୍ ସନ୍ତାନହୀନ ଦମ୍ପତିମାନଙ୍କ ପାଇଁ ଆଶାର ଏକ କିରଣ ଅଟେ, ଯାହା ସେମାନଙ୍କୁ ନିଜର ଏକ ସନ୍ତାନ ପାଇବାକୁ ସକ୍ଷମ କରିଥାଏ । ଏହା ଏକ ସୁରକ୍ଷିତ ଓ ପ୍ରଭାବଶାଳୀ ବିକଳ୍ପ ଭାବେ କାର୍ଯ୍ୟ କରୁଥିବା ବେଳେ ପାରମ୍ପରିକ ଚିକିତ୍ସାଗୁଡିକ ବିଫଳ ହେଉଛି । ଦେଶରେ ବନ୍ଧ୍ୟାତ୍ୱର ଏକ ବର୍ଦ୍ଧିତ ବୋଝ ସହିତ ଦେଶର ଅଧିକରୁ ଅଧିକ ଲୋକଙ୍କ ପାଇଁ ଏହି ସମାଧାନର ଉପଲବ୍ଧତାକୁ ବୃଦ୍ଧି କରିବା ଲାଗି ଆଇଭିଏଫ୍କୁ ସୁଲଭ କରିବାର ଆବଶ୍ୟକତା ରହିଛି ।
ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍ଓ) ବନ୍ଧ୍ୟାତ୍ୱକୁ ଏକ ରୋଗ ଭାବେ ପରିଭାଷିତ କରିଛି ଯାହା ଫିଜିଓଲଜିକାଲ, ହର୍ମୋନାଲ, ଜେନେଟିଭ୍ ଓ ଲାଇଫ୍ଷ୍ଟାଇଲ୍ କାରଣ ଗୁଡିକ ସମେତ ବିଭିନ୍ନ କାରଣ ପାଇଁ ହୋଇଥାଏ । ଜୈବିକ ଓ ପରିବେଶୀୟ କାରଣ ଗୁଡିକ ମୁଖ୍ୟତଃ ଏହି ସ୍ଥିତିର କାରଣ ହୋଇଥିବା ବେଳେ, ଏହାକୁ ଏକ ବ୍ୟକ୍ତିଗତ ବିଫଳତା ଭାବେ ବର୍ଣ୍ଣନା କରିବାର ପ୍ରବୃତି ରହିଛି । ବର୍ତମାନ ସମୟର ଆବଶ୍ୟକତା ହେଉଛି ସାମାଜିକ ଅପବାଦ ଓ ଭୂଲ୍ଧାରଣାକୁ ଦୂର କରି, ଆଇଭିଏଫ୍ ସମେତ ଉପଲବ୍ଧ ଥିବା ବ୍ୟାପକ ଚିକିତ୍ସା ସମ୍ପର୍କରେ ରୋଗୀମାନଙ୍କୁ ସଚେତନ କରି ବନ୍ଧ୍ୟାତ୍ୱ ସମ୍ପର୍କରେ ସଚେତନତା ଚଳାଇବା ।
Comments are closed.