କେନ୍ଦ୍ରାପଡ଼ା: ଦୁର୍ଦ୍ଦାନ୍ତ ଅପରାଧୀ ବିଭୁ ସାହୁ ଅପହରଣ ଓ ହତ୍ୟା ମାମଲା ଘଟଣାର ପର୍ଦ୍ଦାଫାଶ କରବା ସହ ୬ଜଣଙ୍କୁ ପୁଲିସ ଗିରଫ କରିଛି। ହତ୍ୟାରେ ବ୍ୟବହୃତ କୋଦାଳ ବେଣ୍ଟ, ୨ଟି କାର ଓ ୩ଟି ବାଇକ ଜବତ କରିଥିବା ସୂଚନା ମିଳିଛି।
ମିଳିଥିବା ସୂଚନା ଅନୁଯାୟୀ ଗ୍ୟାଙ୍ଗ ମଧ୍ୟରେ ପତିଆରା ଜାହିର ପାଇଁ ହୋଇଥିଲା ବିଭତ୍ସ ହତ୍ୟା କରାଯାଇଥିଲା। ମାର୍ଶାଘାଇ ଥାନା ଭଗବାନପୁରର ବିଭୁ ସାହୁଙ୍କୁ ହତ୍ୟା କରାଯାଇଥିଲା। ମେ’ ୩୧ରେ ଅପହରଣ ପରେ ମହାକାଳପଡ଼ାରେ ହତ୍ୟା କରିଥିଲେ। ଏକ ଇଟାଭାଟିରେ ବିଭୁଙ୍କୁ ସଂଘବଦ୍ଧ ଭାବେ ପିିଟିପିଟି ହତ୍ୟା କରିଥିଲେ। ହତ୍ୟାପରେ ଯାଜପୁର ଟମକା ଅଞ୍ଚଳରେ ମୃତଦେହ ପୋଡ଼ି ଦେଇଥିଲେ। ଟମକା ଅଞ୍ଚଳରେ ଏକ କାଜୁ ଜଙ୍ଗଲରେ ନିଆଁ ଲଗାଇ ଜାଳି ଦେଇଥିଲେ। ଘଟଣାରେ ୬ ଗିରଫ ହୋଇଥିଲାବେଳେ ଏବେ ବି ଆଉ ୧୨ ଫେରାର ଅଛନ୍ତି ବୋଲି ପୁଲିସ ପକ୍ଷରୁ ସୂଚନା ଦିଆଯାଇଛି।
