ଫୁଲବାଣୀ : କନ୍ଧମାଳ ଜିଲା ରାଇକିଆ ବ୍ଲକ୍ କାର୍ଯ୍ୟାଳୟଠାରେ ସୋମବାର ଅତିରିକ୍ତ ଜିଲାପାଳ ବସନ୍ତ ସାହୁ ବିଭିନ୍ନ ଅଭିଯୋଗର ଶୁଣାଣି କରିଛନ୍ତି । ସମୁଦାୟ ୧୦୩ ଗୋଟି ଅଭିଯୋଗର ଶୁଣାଣି ହୋଇଛି । ସେଥି ମଧ୍ୟରୁ ୭୫ ଟି ବ୍ୟକ୍ତିଗତ ଏବଂ ୨୮ ଟି ସାମୂହିକ ଅଭିଯୋଗ ରହିଥିଲା । ବିଶେଷ କରି ପାନୀୟ ଜଳ ସମସ୍ୟା, ଭତ୍ତା, ଆବାସ ଯୋଜନା, ଖାଦ୍ୟ ସୁରକ୍ଷା କାର୍ଡ ସମ୍ପର୍କିତ ଅଭିଯୋଗ ରହିଥିଲା । ରାଇକିଆ ପଂଚାୟତର ମାସେଡିକିଆ ଅଂଚଳର ଚାଷୀଙ୍କ ପାଇଁ ଉଠା ଜଳସେଚନର ସୁବିଧା ଯୋଗାଇଦେବା ପାଇଁ ଲିଖିତ ଅଭିଯୋଗ ହୋଇଥିଲା । ଦୁଇ ଜଣଙ୍କୁ ଶ୍ରବଣ ଯନ୍ତ୍ର ଓ ଟ୍ରାଇ ସାଇକେଲ ପ୍ରଦାନ କରାଯାଇଥିଲା । ଜିଲାପାଳଙ୍କ ସମେତ ବାଲିଗୁଡା ଉପଜିଲାପାଳ ଏମ ଏସ ମଧୁମିତା, ଅତିରିକ୍ତ ଏସପି ବାସୁଦେବ ସାହୁ, ଅତିରିକ୍ତ ଜିଲା ଉନ୍ନୟନ ଅଧିକାରୀ ହରପ୍ରସାଦ ଭୋଇ ଏବଂ ଜିଲାର ବିଭିନ୍ନ ବିଭାଗର ଅଧିକାରୀ ମଧ୍ୟ ଉପସ୍ଥିତ ଥିଲେ । ରାଇକିଆ ଗୋଷ୍ଠୀ ଉନ୍ନୟନ ଅଧିକାରୀ କାର୍ଯ୍ୟକ୍ରମ ପରିଚାଳନା କରିଥିଲେ।
Comments are closed.