ଭୁବନେଶ୍ୱର : ଆବୁଧାବିରେ ଡିସ୍କଭର୍ଡ ସ୍ମଲ ଫିଲ୍ଡ-୨ ବିଡର ରୋଡ୍ ସୋ କାର୍ଯ୍ୟକ୍ରମ ମଙ୍ଗଳବାର ଅନୁଷ୍ଠିତ ହୋଇଯାଇଛି। ଏଥିରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗଦେଇ ଭାରତରେ ପୁଞ୍ଜି ନିବେଶରେ ଭାଗିଦାରୀ ହେବାକୁ ନିବେଶକମାନଙ୍କୁ ନିମନ୍ତ୍ରଣ କରିଛନ୍ତି। ଶ୍ରୀ ପ୍ରଧାନ କହିଛନ୍ତି ଯେ ଗତ ୪ବର୍ଷରେ ଭାରତ ତୈଳ ଓ ଗ୍ୟାସ କ୍ଷେତ୍ରରେ ଉଲ୍ଲେଖନୀୟ ପ୍ରଗତି କରିଛି। ତେବେ କୌଣସି ଦେଶ, ଆନ୍ତର୍ଜାତିକ ସଙ୍ଗଠନ କିମ୍ବା କମ୍ପାନୀ ବିନା ଭାଗିଦାରୀରେ ଏକୁଟିଆ ଅଗ୍ରସର ହୋଇପାରିବ ନାହିଁ।
ଶ୍ରୀ ପ୍ରଧାନ କହିଛନ୍ତି ଯେ ଭାରତ ବର୍ତ୍ତମାନ ବିଶ୍ୱର ତୃତୀୟ ସର୍ବାଧିକ ଶକ୍ତି ଉପଭୋକ୍ତା ଦେଶ ଭାବେ ଉଭା ହୋଇଛି। ଭାରତରେ ଗତ ଏକ ଦଶନ୍ଧିରେ ଶକ୍ତି ବ୍ୟବହାରର ୫ ପ୍ରତିଶତରୁ ଅଧିକ ବାର୍ଷିକ ବିକାଶ ହାରରେ ବଢୁଛି। ଆଗାମୀ ବର୍ଷଗୁଡିକରେ ମଧ୍ୟ ଏହା ବାର୍ଷିକ ୪ ପ୍ରତିଶତ ହାରରେ ବଢିବାର ଆକଳନ କରାଯାଉଛି। ବର୍ତ୍ତମାନ ଭାରତର ଶକ୍ତି ଚାହିଦା ୨୨୯ ମିଲିୟନ ମେଟ୍ରିକ ଟନ ଥିବା ବେଳେ ୨୦୪୦ ବେଳକୁ ଏହା ୬୭୦ ମିଲିୟନ ମେଟ୍ରିକ ଟନ୍ ହେବାକୁ ଯାଉଛି। ଅପ୍ଷ୍ଟ୍ରିମ ତୈଳ ଓ ଗ୍ୟାସ୍ କ୍ଷେତ୍ରରେ ଭାରତରେ ଉଜ୍ୱଳ ସମ୍ଭାବନା ରହିଛି। ଏହି କ୍ଷେତ୍ର ପାଇଁ ଭାରତ ସରକାର ଅନେକ ପ୍ରକାର ନୀତିଗତ ସଂସ୍କାର ଆଣିଛନ୍ତି। ତେଣୁ ନିବେଶକମାନେ ଏଥିରେ ସାମିଲ ହେବାକୁ ଶ୍ରୀ ପ୍ରଧାନ ଆହ୍ୱାନ ଜଣାଇଛନ୍ତି।
ଆବୁଧାବିରେ ରୋଡ୍-ଶୋ ; ଭାରତରେ ନିବେଶ ପାଇଁ ଧର୍ମେନ୍ଦ୍ରଙ୍କ ନିମନ୍ତ୍ରଣ
Popular Categories
Previous article
Next article