ନୂଆଦିଲ୍ଲୀ : ଟୁଇଟର ମୁଖ୍ୟ କାର୍ଯ୍ୟନିର୍ବାହି ଅଧିକାରୀ(ସିଇଓ) ତଥା ସହ ପ୍ରତିଷ୍ଠାତା ଜ୍ୟାକ୍ ଡୋରସି ଭାରତ ଗସ୍ତରେ ଆସିଛନ୍ତି। ସେ ସୋମବାର ସକାଳେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ସାକ୍ଷାତ କରିଛନ୍ତି। ଜ୍ୟାକ୍ ଭାରତରେ ପହଁଞ୍ଚିବା କ୍ଷଣି ଟ୍ୟୁଇଟ୍ କରି ଲେଖିଥିଲେ ‘ଦୀର୍ଘଦିନ ଅପେକ୍ଷାର ଅନ୍ତ ଘଟିଛି’। ଡୋରସି ଭାରତରେ ପହଞ୍ଚିବା ପରେ ପ୍ରଥମେ ଧର୍ମ ଗୁରୁ ଦଲାଇ ଲାମାଙ୍କୁ ସାକ୍ଷାତ କରିଥିଲେ। ଡୋରସି ଦଲାଇ ଲାମାଙ୍କୁ ନିଜର ‘ଅଦ୍ଭୁତ ଶିକ୍ଷକ’ ବୋଲି ମାନିଥାଆନ୍ତି। ଏହି ଗସ୍ତ କାଳରେ ସେ ଜୟପୁର ଯିବା ସହ ଦିଲ୍ଲୀ ଆଇଆଇଟିରେ ଛାତ୍ରଛାତ୍ରୀ ମାନଙ୍କୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି। 
ରାହୁଲ ଗାନ୍ଧୀ ଜ୍ୟାକ ଡୋରସିଙ୍କୁ ସାକ୍ଷାତ କରିବା ନେଇ ଟୁଇଟରରେ ପୋଷ୍ଟ କରିଛନ୍ତି। ସେ ଲେଖିଛନ୍ତି ଟୁଇଟର ସହ ପ୍ରତିଷ୍ଠାତାଙ୍କ ସହ ମିଶି ବହୁତ ଖୁସି ଲାଗିଲା। ମିଥ୍ୟା ଖବରକୁ କିପରି ଟୁଇଟରରୁ ରୋକାଯାଇ ପାରିବ ସେ ପ୍ରତିଶୃତି ଦେଇଛନ୍ତି। ଏହି ସମୟରେ ଜ୍ୟାକ୍ ରାହୁଲ ଗାନ୍ଧୀଙ୍କୁ ନିଜ ହାତରେ ଆଙ୍କିଥିବା ଟାଟୁକୁ ଦେଖାଇଥିଲେ।
ଭାରତ ଗସ୍ତରେ ଟୁଇଟର ସହ ପ୍ରତିଷ୍ଠାତା ଜ୍ୟାକ୍ ଡୋରସି
Popular Categories
Previous article
Next article