କଲ୍ୟାଣସିଂହପୁର : ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ପାର୍ସାଲି ପଞ୍ଚାୟତର ନିୟମଗିରି ପାର୍ସ।ଲିରେ ୪ଟି ମାଓ ପୋଷ୍ଟର ଲାଗିଥିବା ଦେଖିବାକୁ ମିଳିଛି । ପୁଣି ସିପିଆଇ ମାଓବାଦୀ ବାଘୁନା ଡିଭିଜନ ପୋଷ୍ଟର ମାରି ନିଜର ସ୍ଥିତି ଜାହିର କରିଥିବା ଜଣାପଡ଼ିଛି। ନିୟମଗିରି ଉପରେ ହେବାକୁ ଥିବା ପର୍ୟ୍ୟଟନ କେନ୍ଦ୍ର ବନ୍ଦ କରାଯାଉ, ଜଙ୍ଗଲ ଜମି ପାଣିକୁ ସୁରକ୍ଷା ପ୍ରଦାନ,ବେଦାନ୍ତ ଆଲୁମିନା ଦଲାଲ ବନ୍ଦ ହେଉ, ଆଦର୍ଶ ବିଦ୍ୟାଳୟ ଓ ଟିଭି ଡାକ୍ତରଖାନା ପ୍ରତିଷ୍ଠା କରାଯାଉ ପୋଷ୍ଟରରେ ଉଲ୍ଲେଖ କରିବା ସହ ସାଇନିଂ କଳାହାଣ୍ଡି ହେଉଛି ବେଦାନ୍ତର ଦଲାଲ ଓ ଓପିଲିପି ବେଦାନ୍ତର ଏକପ୍ରକାର ଦଲାଲ। ବେଦାନ୍ତକୁ ନିୟମଗିରି ଦେବାପାଇଁ ସରକାର ଲେଣ୍ଡ ବ୍ୟାଙ୍କ ଗଠନକରି ଜଙ୍ଗଲ ଜମିକୁ ରଖିବା ପାଇଁ ସରକାର ନିର୍ଦେଶ ଦେଇଛନ୍ତି। କିନ୍ତୁ ଆଗାମୀ ଦିନରେ ବେଦାନ୍ତକୁ ଟେକି ଦେବାପାଇଁ ଯୋଜନା କରିଛନ୍ତି ତାହା ଶୀଘ୍ର ଫେରାଇ ନେବାକୁ ଦାବି କରି ଆନ୍ଦୋଳନକୁ ଜୋରଦାର କରନ୍ତୁ ବୋଲି ଉଲ୍ଲେଖ କରିଛନ୍ତି। ଉକ୍ତ ପୋଷ୍ଟର ଗୁଡିକ ଡିକେଡିଏ ପାର୍ଶାଲିକ କାର୍ୟ୍ୟଳୟ ସମ୍ମୁଖ ଆମ୍ବ ଗଛ ଓ ପ୍ର।ଚେରୀ କାନ୍ଥରେ ଲାଗିଥିବା ଦେଖିବାକୁ ମିଳିଛି । ଶେଷରେସିପିଆଇ ମାଓବାଦୀ ବାଘୁନା ଡିଭିଜନ ବୋଲି ଉଲ୍ଲେଖ ରହିଛି।
Comments are closed.