କେନ୍ଦୁଝରରେ କାର୍ଯ୍ୟକ୍ଷମ ହେଲା ଅତିରିକ୍ତ ଆୟୁକ୍ତ ବନ୍ଦୋବସ୍ତ ଓ ଚକବନ୍ଦୀଙ୍କ କ୍ୟାମ୍ପ୍ କୋର୍ଟ

କେନ୍ଦୁଝରଗଡ଼ : ଜିଲାପାଳଙ୍କ କାର୍ଯ୍ୟାଳୟ ପରିସରର ଅତିରିକ୍ତ ଜିଲାପାଳ, ବନ୍ଦୋବସ୍ତଙ୍କ କାର୍ଯ୍ୟାଳୟଠାରେ ଚଳିତମାସ ୨୧ତାରିଖରୁ କାର୍ଯ୍ୟକ୍ଷମ ହୋଇଛି ଆଡିସିନାଲ କମିଶନର ସେଟେଲମେଣ୍ଟ ଓ କନସୋଲିଡେସନ (ଅତିରିକ୍ତ ଆୟୁକ୍ତ ବନ୍ଦୋବସ୍ତ ଓ ଚକବନ୍ଦୀ)ଙ୍କ କ୍ୟାମ୍ପ୍ କୋର୍ଟ। ଓଡିଶା ପ୍ରଶାସନିକ ସେବାର ବରିଷ୍ଠ ଅଧିକାରୀ ମଧୁମିିତା ନାୟକ ଅତିରିକ୍ତ ସଚିବ ଭାବେ ଦାୟିତ୍ୱ ଗ୍ରହଣ କରି କ୍ୟାମ୍ପ୍ କୋର୍ଟ ଆରମ୍ଭ କରିଛନ୍ତି। ଜନସାଧାରଣଙ୍କ ହିତ ଓ ସ୍ୱାର୍ଥ ଦୃଷ୍ଟିରୁ ଏବଂ ବକେୟା ପଡିଥିବା ମାମଲା ଗୁଡିକର ଫଇସଲା ପ୍ରକ୍ରିୟାକୁ ତ୍ୱରାନ୍ୱିତ କରିବା ଉଦ୍ଦେଶ୍ୟରେ ରାଜସ୍ୱ ପର୍ଷଦଙ୍କ ନିର୍ଦ୍ଦେଶାବଳୀ ଅନୁଯାୟୀ କେନ୍ଦୁଝରଠାରେ ଅତିରିକ୍ତ କମିଶନର ସେଟେଲମେଣ୍ଟ ଓ କନସୋଲିଡେସନଙ୍କ କ୍ୟାମ୍ପ୍ କୋର୍ଟ ଖୋଲାଯାଇଛି। ଉତ୍ତରାଞ୍ଚଳ ରାଜସ୍ୱ କମିଶନର, କେନ୍ଦୁଝର ଜିଲାପାଳ ଏବଂ ଅତିରିକ୍ତ ଜିଲାପାଳଙ୍କ ସହ ସମନ୍ୱୟ ରକ୍ଷା କରି ଅତିରିକ୍ତ ସଚିବ ଶ୍ରୀମତୀ ନାୟକ କାର୍ଯ୍ୟ ଆରମ୍ଭ କରିଛନ୍ତି । ଏହା ଫଳରେ ଦୀର୍ଘବର୍ଷର ଆବଶ୍ୟକତା ପୂରଣ ହୋଇଛି ଏବଂ ଏହାଦ୍ୱାରା ଜନସାଧାରଣ ଉପକୃତ ହୋଇପାରିବେ ।