ରେଙ୍ଗାଲି: ସମ୍ବଲପୁର ଜିଲାର ରେଙ୍ଗାଲି ବ୍ଲକ କିନାଲୋଇ ପଞ୍ଚାୟତ ଅନ୍ତର୍ଗତ ମାଣିକମୁଣ୍ଡା ଗ୍ରାମର ବିଭିନ୍ନ ଉନ୍ନୟନ ମୂଳକ କାର୍ଯ୍ୟରେ ଅବହେଳା କରିଆସୁଥିବା ସରକାରୀ କର୍ମଚାରୀଙ୍କ ବିରୋଧରେ ଦୃଢ଼ କାର୍ଯ୍ୟନୁଷ୍ଠାନ ଦାବୀରେ ଆଜି ଗ୍ରାମବାସୀ ତାଲା ଝୁଲାଇ ଦେଇଛନ୍ତି। ଅଭିଯୋଗରୁ ପ୍ରକାଶ ଯେ ଗ୍ରାମବାସୀଙ୍କ ଦ୍ବାରା ସମ୍ପନ୍ନ କରାଯାଇ ଥିବା ପଶ୍ଚିମ ଓଡିଶା ବିକାଶ ପରିଷଦ ପାଣ୍ଠିରୁ ମଞ୍ଜୁର ମାଣିକମୁଣ୍ଡା କଟାର ଉନ୍ନତି କରଣ ପାଉଣା ଦେବା, ମାଣିକମୁଣ୍ଡା ବଡ଼ କଟାରେ ମଞ୍ଜୁର ହୋଇଥିବା ପାଚେରୀ ନିର୍ମାଣ, ମୁଖ୍ୟମନ୍ତ୍ରୀ ଅଭିଯୋଗ ପ୍ରକୋଷ୍ଠରେ ଦିଆଯାଇଥିବା କାର୍ଯ୍ୟକୁ କରିବାରେ ଅବହେଳାରେ ପ୍ରଦର୍ଶନ କରାଯାଇଛି। ଦୀର୍ଘଦିନରୁ ଗ୍ରାମବାସୀ ଗାଧୁଆ ବନ୍ଧ ଭାବରେ ବ୍ୟବହାର କରୁଥୁବା ବନ୍ଧକୁ ଗ୍ରାମବାସୀଙ୍କ ଅଜ୍ଞାତରେ ମାଛ ଚାଷ ପାଇଁ ନିଲାମ କରେଇବା ବିଭାଗୀୟ କର୍ତ୍ତୃପକ୍ଷ ଓ କର୍ମଚାରୀଙ୍କ ମନମୁୁୁଖୀ କାର୍ଯ୍ୟକଳାପ ଯୋଗୁ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
ସୂଚିିତ ଯେ ଗ୍ରାମବାସୀ ଉପରୋକ୍ତ ସମସ୍ୟାର ପ୍ରତିକାର ଓ କାର୍ଯ୍ୟାନୁଷ୍ଠାନ ପାଇଁ ଜିଲାପାଳଙ୍କ ଠାରେ ଅଭିଯୋଗ କରିଥିବା ସହିତ ଜନ ଶୁଣାଣୀ ପୋର୍ଟାଲରେ ମୁଖ୍ୟମନ୍ତ୍ରୀଙ୍କୁ ମଧ୍ୟ୍ୟ ଦୃଷ୍ଟି ଆକର୍ଷଣ କରିଥିଲେ। କିନ୍ତୁ କୌଣସି ପଦକ୍ଷେପ ନିଆଯାଇନଥିଲା। ତେଣୁ ଗତ ୪ ତାରିଖରେ ଉପରୋକ୍ତ ସମସ୍ୟାର ୫ଦିନ ମଧ୍ୟ୍ୟରେ ବିହିତ ସମାଧାନ ମୂଳକ ପଦକ୍ଷେପ ନେବା ପାଇଁ ଟ୍ୱିଟର୍ ମାଧ୍ୟ୍ୟମରେ ଜିଲାପାଳ, ବିଡ଼ିଓ, ସରପଞ୍ଚ, ମୁଖ୍ୟ ଶାସନ ସଚିବ, ୫ଟି ସଚିବ ତଥା ମୁଖ୍ୟମନ୍ତ୍ରୀଙ୍କୁ ଅନୁରୋଧ କରାଯାଇଥିଲା। ସମାଧାନ ନ କଲେ ଗ୍ରାପରେ ତାଲା ଦେବାକୁ ଚେତାବନୀ ଦିଆଯାଇଥିଲା। ୫ଦିିନ ମଧ୍ୟରେ କୌଣସି ସମାଧାନ ନ ହେବାରୁୁୁ ଆଜି ପଞ୍ଚାୟତ ଅଫିସରେ ତାଲା ଝୁଲାଇଥିବାର ଜଣାପଡିଛି।
ଏସଂକ୍ରାନ୍ତ ରେ ଗ୍ରାମବାସୀ ମୁଖ୍ୟ ଶାସନ ସଚିବ ଓ ୫ଟି ସଚିବଙ୍କୁ ଦରଖାସ୍ତ ଲେଖି ମୁଖ୍ୟମନ୍ତ୍ରୀ ଓଡିଶା ସରକାର, ମୁଖ୍ୟ ଶାସନ ସଚିବ ତଥା ୫ଟି ସଚିବଙ୍କ ଡିଜିଟାଲ ସେବାରେ ଗ୍ରାମବାସୀ ଅତ୍ୟନ୍ତ ଖୁସି ଅଟନ୍ତି ବୋଲି ଉଲ୍ଲେଖ କରିଛନ୍ତି। କିନ୍ତୁ ଏପରି କେତେକ କର୍ମଚାରୀ ଅଛନ୍ତି ଯେଉଁ ମାନେ ଗ୍ରାମର ଉନ୍ନତି ମୂଳକ କାର୍ଯ୍ୟରେ ଅବହେଳା କରି ସରକାରଙ୍କ ପ୍ରତି ଘୃଣାଭାବ ଉତ୍ପନ୍ନ କରିବାକୁ ଚେଷ୍ଟା କରୁଅଛନ୍ତି l ତେଣୁ ଏହି ବିଷୟ କୁ ଗୁରୁତ୍ୱ ଦେଇ ସରକାରଙ୍କ ପ୍ରତି ଥିବା ଗ୍ରାମବାସୀଙ୍କର ଥିବା ଆଶା, ଆକାଂକ୍ଷା, ଆଦର, ସମ୍ମାନ କୁ ଚିରସ୍ଥାୟୀ କରି ଅବହେଳା କରୁଥିବା କର୍ମଚାରୀଙ୍କ ବିରୋଧ ରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ସରକାରଙ୍କୁ ଅନୁରୋଧ କରି ଟ୍ୱିଟର୍ ମାଧ୍ୟମ ରେ ଅନୁରୋଧ କରିଛନ୍ତି।
