ଆହ୍ଲାବାଦ୍ : ଉତ୍ତରପ୍ରଦେଶସ୍ଥିତ ଜ୍ଞାନବାପି ମସ୍ଜିଦ ପରିସରରେ ରହିଥିବା ଶିବଲିଙ୍ଗର କାର୍ବନ ଡେଟିଂ ପାଇଁ ଶୁକ୍ରବାର ନିର୍ଦେଶ ଦେଇଛନ୍ତି ଆହ୍ଲାବାଦ୍ ଉଚ୍ଚ ନ୍ୟାୟାଳୟ। ଭାରତୀୟ ପ୍ରତ୍ନତତ୍ତ୍ବ ବିଭାଗ(ଏଏସ୍ଆଇ) ଶିବଲିଙ୍ଗର କାର୍ବନ ଡେଟିଂ କରି ରିପୋର୍ଟ ଦେବାକୁ ଉଚ୍ଚ ନ୍ୟାୟାଳୟ ନିର୍ଦେଶ ଦେଇଛନ୍ତି। କାର୍ବନ ଡେଟିଂ ସମୟରେ ଶିବଲିଙ୍ଗର ଯେପରି କୌଣସି କ୍ଷତି ନ ହୁଏ ସେଥିପ୍ରତି ଦୃଷ୍ଟି ଦେବାକୁ ଉଚ୍ଚ ନ୍ୟାୟାଳୟ ନିର୍ଦେଶ ଦେଇଛନ୍ତି।
ସୂଚନାଥାଉ କି ଜ୍ଞାନବ୍ୟାପି ମସ୍ଜିଦ ପରିସରରେ ଥିବା ଏକ ପାଣିକୁଣ୍ଡ ମଧ୍ୟରୁ ଶିବଲିଙ୍ଗ ମିଳିବା ପରେ ୨୦୨୨ ମେ’ ୧୬ରେ ସେହି ଅଞ୍ଚଳକୁ କୌଣସି ବ୍ୟକ୍ତିର ପ୍ରବେଶ ଉପରେ ନିଷେଧାଦେଶ ଜାରି କରାଯାଇଥିଲା। ପୂର୍ବରୁ ଶିବଲିଙ୍ଗର କାର୍ବନ ଡେଟିଂ ନିମନ୍ତେ ଉଚ୍ଚ ନ୍ୟାୟାଳୟ ନିର୍ଦେଶ ଦେଇଥିଲେ ମଧ୍ୟ ଏଏସ୍ଆଇ ମହାନିର୍ଦେଶକ ନିର୍ଦ୍ଧାରିତ ସମୟ ମଧ୍ୟରେ କାର୍ବନ ଡେଟିଂ ରିପୋର୍ଟ ପ୍ରଦାନ କରିବାରେ ବିଫଳ ହୋଇଥିବାରୁ ଉଚ୍ଚ ନ୍ୟାୟାଳୟ ବିରକ୍ତି ପ୍ରକାଶ କରିଥିଲେ। ଏଏସ୍ଆଇକୁ ଶେଷ ସୁଯୋଗ ପ୍ରଦାନ ପୂର୍ବକ ଶୁକ୍ରବାର ଉଚ୍ଚ ନ୍ୟାୟାଳୟ ଶିବଲିଙ୍ଗର କାର୍ବନ ଡେଟିଂ ପାଇଁ ନିର୍ଦେଶ ଦେଇଛନ୍ତି।
Comments are closed.