ଜମ୍ମୁ କାଶ୍ମୀର: ଲଶ୍କର-ଏ-ତାଇବାର ୩ ଆତଙ୍କୀ ଗିରଫ, ଅସ୍ତ୍ରଶସ୍ତ୍ର ଓ ଗୋଳା ବାରୁଦ ଜବତ

ଶ୍ରୀନଗର: ଦକ୍ଷିଣ କାଶ୍ମୀରର ଶୋପିଆନ୍ ଜିଲାର କଲ୍ଲର ଅଞ୍ଚଳରୁ ଲଶ୍କର-ଏ-ତାଇବାର ଦୁଇଜଣ ଆତଙ୍କବାଦୀଙ୍କୁ ଗିରଫ କରାଯାଇଛି। ପୁଲିସ ସେମାନଙ୍କ ନିକଟରୁ ଅସ୍ତ୍ରଶସ୍ତ୍ର ଓ ଗୋଳା ବାରୁଦ ଜବତ କରିଛି। ପୁଲିସର କହିବା ମୁତାବକ, ସୂଚନା ଆଧାରରେ ସେନା ଓ ସିଆରପିଏଫର ମିଳିତ ଉଦ୍ୟମରେ ଲଶ୍କରର ଦୁଇ ଆତଙ୍କବାଦୀଙ୍କୁ ଗିରଫ କରାଯାଇଛି। ଗିରଫ ଦୁଇ ଆତଙ୍କୀ ପୁଲୱାମାର ଦ୍ରବଗାମ ବାସିନ୍ଦା ଏବଂ ସେମାନଙ୍କ ନାମ ଗୌହର ମଞ୍ଜୁର ଭଟ ଓ ଆବିଦ ହୁସୈନ ନନ୍ଦା ବୋଲି ଜଣାପଡ଼ିଛି। ସେମାନଙ୍କ ନିକଟରୁ ଗୋଟିଏ ବନ୍ଧୁକ, ଗୋଟିଏ ଗ୍ରେନେଡ଼, ୧୦ ରାଉଣ୍ଡ ଗୁଳି ଓ ୬୦ ହଜାର ଟଙ୍କା ଜବତ କରାଯାଇଛି। ଏନେଇ କଲ୍ଲର ଥାନାରେ ମାମଲା ରୁଜୁ କରାଯାଇଛି।

ଅପରପ​‌କ୍ଷେ,​‌ ଶୋପିଆନ୍‌ରେ ସୁରକ୍ଷା ବାହିନୀ ଲଶ୍କର-ଏ-ତାଇବାର ଜଣେ ସକ୍ରିୟ ଆତଙ୍କବାଦୀ ଆଦିଲ ଗନୀକୁ ଅସ୍ତ୍ରଶସ୍ତ୍ର ସହ ଗିରଫ କରିଛି। ତାକୁ ମୋହନ୍ଦପୋରା ଗ୍ରାମରୁ ଗିରଫ କରାଯାଇଛି। ତା’ ନିକଟରୁ ଅସ୍ତ୍ରଶସ୍ତ୍ର ଓ ଗୋଳା ବାରୁଦ ଜବତ କରାଯାଇଛି।