କାମାକ୍ଷାନଗର : କାମାକ୍ଷାନଗର ଉପଖଣ୍ଡ ପରଜଙ୍ଗ ଥାନା ଦଶୀପୁର ଗ୍ରାମରେ ସରକାରୀ ଜମିକୁ ନେଇ ସାଧାରଣ ବର୍ଗ ଓ ଅନୁସୂଚିତ ଜାତିର ବର୍ଗ ଭିତରେ ସଂଘର୍ଷରେ ଜଣେ ଆହତ ହୋଇଛନ୍ତି । ସୂଚନା ମୁତାବକ ଏକ ସରକାରୀ ଜମି ଉପରେ ଆଜକୁ ପ୍ରାୟ କିଛି ବର୍ଷ ହେବ ଦଶୀପୁର ଗ୍ରାମର ଗଦାଧର ସ୍ୱାଇଁ ଘର କରି ରହି ଆସୁଛନ୍ତି । ମଙ୍ଗଳବାର ଦିନ ସକାଳୁ ଘରର ଚାରି ପାଖରେ ଥିବା ଗଛରେ ତାର ବାଡ ଦେଉଥିଲେ। ସେହି ତାରବାଡକୁ ବିରୋଧ କରି ନାଏକ ସାହିର କିଛି ପରିବାର ଲୋକେ ଆସି ବିରୋଧ କରିଥିଲେ। ଉଭୟଙ୍କ ମଧ୍ୟରେ ଗଣ୍ଡଗୋଳ ଉଗ୍ର ରୂପ ନେଇଥିଲା। ଗଣ୍ଡଗୋଳ ଭିତରେ ଜନୈକ ବ୍ୟକ୍ତି ବୋମାମାଡ କରିଥିବା ବେଳେ ତାହା କତୁ ନାଏକଙ୍କ ଉପରେ ପଡିବାରୁ ତାଙ୍କ ଗୋଡରେ ଆଘାତ ଲାଗିଛି। ଖବରପାଇ ପରଜଙ୍ଗ ପୁଲିସ ଘଟଣାସ୍ଥଳରେ ପହଞ୍ଚି ଗଣ୍ଡଗୋଳକୁ ନିଜ ଆୟତକୁ ନେଇଥିଲେ। ବର୍ତ୍ତମାନ ପରିସ୍ଥିତି ସ୍ବାଭାବିକ ଅଛି। ଉଭୟଙ୍କ ପକ୍ଷରୁ ଥାନାରେ ଅଭିଯୋଗ ହୋଇଛି। ବୋମା ବିସ୍ଫୋରଣରେ ଓ ଘଟଣା ଉପରେ ଅନୁଧ୍ୟାନ ଚାଲିଛି। ତଦନ୍ତ ଜାରି ରହିଛି ବୋଲି ପରଜଙ୍ଗ ଥାନା ସୂତ୍ରରୁ ଜଣାଯାଇଛି ।
Comments are closed.