ବେଙ୍ଗାଲୁରୁ : ମୁମ୍ବଇ ଚଳିତବର୍ଷ ଆନ୍ତଃରାଜ୍ୟ ସିନିୟର ବିଜୟ ହଜାରେ ଟ୍ରଫି କ୍ରିକେଟ ଟୁର୍ଣ୍ଣାମେଣ୍ଟରେ ଚମ୍ପିଆନ ଆଖ୍ୟା ଅର୍ଜନ କରିଛି। ଶନିବାର ସ୍ଥାନୀୟ ଚିନ୍ନାସ୍ୱାମୀ ଷ୍ଟାଡିୟମରେ ଖେଳାଯାଇଥିବା ଫାଇନାଲ ମ୍ୟାଚରେ ମୁମ୍ବଇ ୪ ୱିକେଟରେ ଦିଲ୍ଲୀକୁ ପରାସ୍ତ କରିଛି। ଟସ୍ରେ ହାରି ପ୍ରଥମେ ବ୍ୟାଟିଂ ନିର୍ଦେଶ ପାଇଥିବା ଦିଲ୍ଲୀ ୪୫.୪ ଓଭରରେ ୧୭୭ ରନରେ ଅଲଆଉଟ ହୋଇଥିଲା। ହିମ୍ମତ ସିଂହ ୪୧, ଧ୍ରୁବ୍ ସୋରେ ୩୧, ସୁବୋଥ୍ ଭଟ୍ଟି ୨୫ ଓ ପବନ ନେଗି ୨୧ ରନ କରିଥିଲେ। ମୁମ୍ବଇ ପକ୍ଷରୁ ଧବଲ କୁଲକର୍ଣ୍ଣୀ ଓ ଶିବମ ଦୁବେ ୩ଟି ଲେଖାଏଁ ୱିକେଟ ଅକ୍ତିଆର କରିଥିବାବେଳେ ତୁଷାର ଦେଶପାଣ୍ଡେ ୨ଟି ୱିକେଟ ପାଇଥିଲେ।
୧୭୮ ରନ୍ର ଲକ୍ଷ୍ୟକୁ ପିଛା କରିବାକୁ ଯାଇ ମୁମ୍ବଇ ଦଳ ଏକଦା ୪୦ ରନରେ ୪ଟି ୱିକେଟ ହରାଇ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ପୃଥ୍ୱୀ ସ ୮, ଅଜିଙ୍କ୍ୟ ରାହାଣେ ୧୦, ସୂର୍ଯ୍ୟକୁମାର ଯାଦବ ୪ ଓ ଅଧିନାୟକ ଶ୍ରେୟସ ଆୟାର ୭ ରନ କରି ପ୍ୟାଭିଲିୟନ ଫେରିଯାଇଥିଲେ। ତେବେ ସିଦେ୍ଧଶ ଲାଡ୍ (୪୮) ଓ ୱିକେଟରକ୍ଷକ ଆଦିତ୍ୟ ତାରେ (୭୧) ୫ମ ୱିକେଟ ପାଇଁ ୧୦୫ ରନ ଯୋଗକରି ଦଳକୁ ବିଜୟର ନିକଟବର୍ତ୍ତୀ କରାଇଥିଲେ। ୧୭୬ ରନରେ ମୁମ୍ବଇ ଦଳ ଆଦିତ୍ୟ ତାରେ ଓ ସିଦେ୍ଧଶ ଲାଡ୍ଙ୍କ ୱିକେଟ ହରାଇଥିଲେ ସୁଦ୍ଧା ମୁମ୍ବଇ ୩୫ ଓଭରରେ ୬ ୱିକେଟରେ ୧୮୦ ରନ କରି ବିଜୟୀ ହୋଇଥିଲା। ଦିଲ୍ଲୀ ପକ୍ଷରୁ ନବଦୀପ ସୈନି ୩ଟି ୱିକେଟ ଅକ୍ତିଆର କରିଥିବାବେଳେ କୁଲୱନ୍ତ ଖେଜ୍ରୋଲିଆ, ମନନ ଶର୍ମା ଓ ଲଲିତ ଯାଦବ ପ୍ରତ୍ୟେକ ଗୋଟିଏ ୱିକେଟ ହାସଲ କରିଥିଲେ। ଆଦିତ୍ୟ ତାରେ ‘ପ୍ଲେୟାର ଅଫ୍ ଦି ମ୍ୟାଚ’ ବିବେଚିତ ହୋଇଛନ୍ତି।
ବିଜୟ ହଜାରେ ଟ୍ରଫି : ମୁମ୍ବଇ ଚମ୍ପିଆନ
Popular Categories
Previous article
Next article