ମୁମ୍ବାଇ: ବଲିଉଡ଼ କଣ୍ଠଶିଳ୍ପୀ ନେହା କକ୍କର ଖୁବଶୀଘ୍ର ତାଙ୍କର ଏକ ନୂଆ ଗୀତ ନେଇ ଆସୁଛନ୍ତି। ସଙ୍ଗୀତ ଶିଳ୍ପର ରିମେକ୍ କ୍ବିନ୍ ଭାବେ ଜଣାଶୁଣା ନେହା ଏବେ ଏକ ଖାସ୍ ଗୀତରେ କାମ କରୁଛନ୍ତି। ଏହି ଗୀତରେ ତାଙ୍କ ସହ କ୍ରିକେଟର ୟୁଜବେନ୍ଦ୍ର ଚହଲଙ୍କ ପତ୍ନୀ ଧନଶ୍ରୀ ବର୍ମା ନଜର ଆସିବେ। ଗୀତର ନାଁ ରହିଛି ‘ଓ ସଜ୍ନା..’।
ନେହା କକ୍କର ଇନ୍ଷ୍ଟାଗ୍ରାମରେ ଧନଶ୍ରୀଙ୍କ ସହ ଫଟୋ ଶେୟାର କରି ଏହି ଗୀତର ଘୋଷଣା କରିଛନ୍ତି। ପୋଷ୍ଟରରେ ନେହା ସବୁଜ ରଙ୍ଗର ଡ୍ରେସ୍ ପିନ୍ଧିଛନ୍ତି ଓ ଧନଶ୍ରୀ ଗୋଲାପୀ ରଙ୍ଗର ଏକ ଡ୍ରେସ୍ ପିନ୍ଧି ହସୁଥିବା ଦେଖିବାକୁ ମିଳିଛି। ଉଭୟଙ୍କୁ ଦେଖି ଲାଗୁଛି ଯେପରି ସେମାନେ ଏକ ଛୋଟପିଲା ରୁମ୍ରେ ବସିଛନ୍ତି। ଛୋଟ ଛୋଟ ଚେୟାର ଉପରେ ଦୁହେଁ ବସିଛନ୍ତି ଓ ତାଙ୍କ ପାଖରେ ଖେଳନା, ଉପହାର ଆଦି ରଖାଯାଇଛି। ଉଭୟଙ୍କ ପାଦରେ ପାଉଁଜି ମଧ୍ୟ ଅଛନ୍ତି, ଯାହାକୁ ସେମାନେ ଦେଖାଉଛନ୍ତି।
ନେହା ଗୀତ ବିଷୟରେ ଘୋଷଣା କରି ଏହା ସେପ୍ଟେମ୍ବର ୧୯ ତାରିଖରେ ରିଲିଜ୍ ହେବ ବୋଲି ସୂଚନା ଦେଇଛନ୍ତି। ନେହାଙ୍କ ପୋଷ୍ଟରେ କମେଣ୍ଟ କରି ଧନଶ୍ରୀ ଲେଖିଛନ୍ତି, ‘‘ମୁଁ ବହୁତ ଉତ୍ସାହିତ। ଆପଣ କେତେ ସୁନ୍ଦୁ ଦିଶୁଛନ୍ତି।’’
