ବାଙ୍କୀ: ବାଙ୍କୀ ବ୍ଲକ ଅନ୍ତର୍ଗତ ବରପୁଟ ପଞ୍ଚାୟତ ଅଧିନ ଜନ୍ମଭୂମି ପଥୁରୀପଡ଼ା ସରକାରୀ ମହାବେରେଣା ଉଚ୍ଚବିଦ୍ୟାଳୟ ପରିସରରେ ବାଙ୍କୀ ପୂଜ୍ୟପୂଜା ସଂସ୍କୃତି ସୁରକ୍ଷା ଅଭିଯାନ ପକ୍ଷରୁ ଗୋଆ ମୁକ୍ତି ଆନ୍ଦୋଳନର ମହାନ ସାରଥୀ ବରିଷ୍ଠ ପତ୍ରକାର ସାମ୍ୟବାଦୀ ନେତା ପୀରପ୍ରସାଦ ପଟ୍ଟନାୟକଙ୍କର ୧୧ତମ ଶ୍ରାଦ୍ଧ ଉତ୍ସବ ମଙ୍ଗଳବାର ପାଳିତ ହୋଇଯାଇଛି। ମୁଖ୍ୟ ଅତିଥି ଭାବରେ ବରପୁଟ୍ଟ ସରପଞ୍ଚ ଅଶୋକ କୁମାର ମିଶ୍ର ବିଦ୍ୟାଳୟ ପରିସରରେ ଥିବା ସ୍ୱର୍ଗତଃ ପଟ୍ଟନାୟକଙ୍କର ପ୍ରତିମୂର୍ତ୍ତୀରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଅନୁଷ୍ଠାନର ସଭାପତି ସୁନିଲ କୁମାର ମିଶ୍ର ଗୋଆ ମୁକ୍ତି ସଂଗ୍ରାମର ସାରଥିଙ୍କ ଜୀବନ ଦର୍ଶନ ସମ୍ପର୍କରେ ଆଲୋକପାତ କରିଥିଲେ। ସମ୍ମାନୀତ ଅତିଥି ଭାବରେ ମହାବେରେଣା ବିଦ୍ୟାପୀଠର ପ୍ରଧାନ ଶିକ୍ଷକ ମଧୁସୂଦନ ମହାପାତ୍ର, ପୂର୍ବତନ ପ୍ରଧାନ ଶିକ୍ଷକ ଅଶୋକ କୁମାର ପଟ୍ଟନାୟକ, ମହାବେରେଣା କ୍ଲବର ସମ୍ପାଦକ ସଦାଶିବ ଦାସ, ଦିଲ୍ଲିପ କୁମାର ପଟ୍ଟନାୟକ, ରାମକୃଷ୍ଣ ପଟ୍ଟନାୟକ, ଶିକ୍ଷାବିତ୍ ସୁରେଶ୍ୱର ବେହେରା, ସାମାଜିକ କର୍ମୀ ରଞ୍ଜିତ ସେଠ ପ୍ରମୁଖ ଉପସ୍ଥିତ ରହି ଶ୍ରଦ୍ଧାଞ୍ଜଳି ପ୍ରଦାନ କରିଛନ୍ତି। ଶିକ୍ଷକ କୃପାସିନ୍ଧୁ ଦାସ ସମସ୍ତଙ୍କୁ ଧନ୍ୟବାଦ ଦେଇଥିଲେ। ଶିକ୍ଷୟିତ୍ରୀ ବିଜୟଲକ୍ଷ୍ମୀ ବରାଳ, ପ୍ରଣିତା ପଟ୍ଟନାୟକ, ଅନୁରାଧା ସାମନ୍ତରାୟ, ଲିପ୍ସା ପାଣିଗ୍ରାହୀ, ସୁଚିତ୍ରା ମନ୍ତ୍ରୀ, ରୋଜାଲିନ ସାହୁ, ଶିକ୍ଷକ ସୁଦାମ ଖଟୁଆ, ପ୍ରଶାନ୍ତ ବାରିକ, ଦିଲ୍ଲିପ ବେହେରା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ବିଦ୍ୟାଳୟର ଛାତ୍ରଛାତ୍ରୀମାନେ ଉପସ୍ଥିତ ରହି ବାଙ୍କୀ ମାଟିର ଗୌରବ ମହାନ ବିପ୍ଲବୀଙ୍କ ପ୍ରତି ସମ୍ମାନ ପ୍ରଦର୍ଶନ କରିଥିଲେ।
Popular Categories
Previous article
Next article