ଡେସ୍କ: ପଶ୍ଚିମବଙ୍ଗ ବିରୋଧୀଦଳର ନେତା ଶୁଭେନ୍ଦୁ ଅଧିକାରୀ ଏବଂ ସାଂସଦ ଲକେଟ୍ ଚାଟାର୍ଜୀଙ୍କୁ ପୁଲିସ ଅଟକ ରଖିଛି। ଆଜି ବିଜେପି ପକ୍ଷରୁ ବିରୋଧ ପ୍ରଦର୍ଶନ କରି ରାଜ୍ୟ ସଚିବାଳୟ ଆଡକୁ ଅଗ୍ରସର ହେଉଥିବା ବେଳେ ପୁଲିସ ଉଭୟଙ୍କୁ ଅଟକ ରଖିଛି।
କୋଲକାତାର ହାଷ୍ଟିଙ୍ଗରୁ ବିଜେପି ନେତାମାନେ ନବାନ୍ନ ଚଲୋ ଅଭିଯାନ ନେତୃତ୍ୱ ନେଉଥିବା ଶୁଭେନ୍ଦୁ ଅଧିକାରୀ, ଲକେଟ୍ ଚାଟାର୍ଜୀ ଏବଂ ବିଜେପି ନେତା ରାହୁଲ ସିହ୍ନାଙ୍କୁ ଲାଲବାଜର ସ୍ଥିତ କୋଲକାତା ପୁଲିସ ମୁଖ୍ୟାଳୟକୁ ନିଆଯାଇଛି। ପୁଲିସ ଅଟକ ରଖିବା ପରେ ଶୁଭେନ୍ଦୁ ଅଧିକାରୀ କହିଛନ୍ତି, ମୁଖ୍ୟମନ୍ତ୍ରୀ ମମତାଙ୍କ ପ୍ରତି ଲୋକଙ୍କ ସମର୍ଥନ ନାହିଁ ତେଣୁ ସେ ଉତ୍ତର କୋରିଆ ଭଳି ବେଙ୍ଗଲରେ ଏକଛତ୍ରବାଦୀ ଶାସନକୁ କାର୍ଯ୍ୟକାରୀ କରୁଛନ୍ତି। ସୋମବାର ଠାରୁ ପୁଲିସ ଯାହା କରୁଛି ସେଥିପାଇଁ ପୁଲିସକୁ ଜବାବ ଦେବାକୁ ପଡିବ ବୋଲି ସେ କହିଛନ୍ତି।
