କାମାକ୍ଷାନଗର – ମାଉଜର ଓ ଖଣ୍ଡା ଦେଖାଇ ଲୁଟିନେଲେ ୮୦ ହଜାର ଟଙ୍କା । ଢେଙ୍କାନାଳ ମହୁଲପାଳ ପଂଚାୟତର ଜଡ଼ାପାଳ ଛକ ପଥପ୍ରାନ୍ତ ସୁବିଧା କେନ୍ଦ୍ର ନିକଟରେ ଥିବା ଜଙ୍ଗଲ ରାସ୍ତାରେ କଳା ବାଇକରେ ଦୁର୍ବୁର୍ତ୍ତ ଜଣଙ୍କଠାରୁ ଗୁରୁବାର ମାଉଜର ଓ ଖଣ୍ଡା ଦେଖାଇ ୮୦ ହଜାର ଟଙ୍କା ଲୁଟି ନେଇଥିବାର କାମାକ୍ଷାନଗର ଥାନାରେ ଅଭିଯୋଗ ହୋଇଛି l
ସୂଚନା ଅନୁଯାୟୀ ଜ୍ଞାନରଞ୍ଜନ କାମାକ୍ଷାନଗର ଅଂଚଳର ବିଭିନ୍ନ ଔଷଧ ଦୋକାନ ରୁ ୮୦ହଜାର ଟଙ୍କା ଅସୁଲ କରି ଢେଙ୍କାନାଳ ଫେରୁଥିଲେ । ଜଡ଼ା ପାଳ ଛକ ନିକଟସ୍ଥ ପଥପ୍ରାନ୍ତ ସୁବିଧା କେନ୍ଦ୍ର ଆଗ ଜଙ୍ଗଲ ରାସ୍ତା ରେ ଦୁଇ ଜଣ ଯୁବକ ଏକ କଳା ବାଇକ ରେ ଆସି ତାଙ୍କୁ ଅଟକାଇବା ସହ ତାଙ୍କୁ ଏକ ମାଉଜର ଓ ଖଣ୍ଡା ଦେଖାଇ ଟଙ୍କା ଛଡାଇ ନେଇ ପଳାଇଥିବା ଅଭିଯୋଗ ହୋଇଛି | ଏ ନେଇ ଜ୍ଞାନରଞ୍ଜନ କାମାକ୍ଷା ନଗର ଥାନା ରେ ଲିଖିତ ଏତେଲା ଦେଇଛନ୍ତି l ଏହି ଏତେଲା କ୍ରମେ ପୁଲିସ ଘଟଣା ପହଞ୍ଚି ତଦନ୍ତ ଚଳାଇଥିବାର ଜଣାଯାଇଛି |
