ବାଙ୍କୀ: ବାଙ୍କୀ-ଡମପଡ଼ା ବ୍ଲକ ଅନ୍ତର୍ଗତ ଡମପଡ଼ା ପଞ୍ଚାୟତ ଅଧିନ ପଞ୍ଚପଡ଼ା କୁହାଯାଉଥିବା ଢୋଲକାଠ, ଡାହାଣିଗାଡିଆ, ନୂଆକୁଅ, ବେହେଣ୍ଟାସାହି ଓ ପିଠାଖିଆ ଗ୍ରାମରେ ଗୁରୁବାର ବିଧାୟକ ଦେବୀ ରଞ୍ଜନ ତ୍ରିପାଠୀଙ୍କ ଦ୍ୱାରା ପ୍ରତି ପରିବାରଙ୍କୁ ଶୁଖିଲା ଖାଦ୍ୟ ଓ ପଲିଥିନ୍ ବଣ୍ଟନ କରାଯାଇଛି। ଡମପଡ଼ା-ଚନ୍ଦକା ଅଭୟାରଣ୍ୟ ମଧ୍ୟରେ ରହୁଥିବା ପ୍ରାୟ ୫ଟି ଗ୍ରାମର ୩୦୦ପରିବାର ଅନୁସୂଚୀତ ଜନଜାତି ସମ୍ପ୍ରଦାୟର ଗରୀବ ଓ ଦିନ ମଜୁରିଆ। ଜଙ୍ଗଲଜାତ ଦ୍ରବ୍ୟ ସଂଗ୍ରହ କରି ଜୀବନ ଜିବୀକା ବିତାନ୍ତି। ଚଳିତ ବନ୍ୟା ପୂର୍ବରୁ ହୋଇଥିବା ଲଗାଣବର୍ଷାରେ ପ୍ରଭାବିତ ହୋଇ ଦହଗଞ୍ଜ ହେଉଥିଲେ। ବାଙ୍କୀ ବିଧାୟକ ଶ୍ରୀ ତ୍ରିପାଠୀ ଏହି ଗ୍ରାମ ପରିଦର୍ଶନ କରି ଆଜି ସକାଳେ ବିପନ୍ନ ପରିବାରଙ୍କୁ ଖଣ୍ଡିଏ ଲେଖାଏଁ ପାଲ ସହିତ ଚୁଡା, ଗୁଡ, ବିସ୍କୁଟ ଆଦି ପ୍ରଦାନ କରିଛନ୍ତି। ଡମପଡ଼ା ସରପଞ୍ଚ ପ୍ରତିନିଧି ଭବାନୀପ୍ରସାଦ ପରିଜା, ଜିଲ୍ଲାପରିଷଦ ସଦସ୍ୟ ଆଶିଷ ସାହୁ, ସମାଜସେବୀ ଓକିଲ ମାନସ ଧଳ, ଡମପଡ଼ା ବ୍ଲକ ପୂର୍ବତନ ଅଧ୍ୟକ୍ଷ ସୂର୍ଯ୍ୟନାରାୟଣ ପାତ୍ର, ସମାଜସେବୀ ସୁରେନ୍ଦ୍ର ତ୍ରିପାଠୀ, ଅଜିତ କୁମାର ବେହେରା, ସମୀର ରଞ୍ଜନ ରଣା ଓ ସମୀର କୁମାର ଧଳ ପ୍ରମୁଖ ଉପସ୍ଥିତ ରହି ବିପନ୍ନମାନଙ୍କୁ ବିଧାୟକଙ୍କ ଦ୍ୱାରା ପ୍ରଦତ୍ତ ସାମଗ୍ରୀ ବଣ୍ଟନ କରିଛନ୍ତି।
Popular Categories
Previous article
Next article