ନୂଆଦିଲ୍ଲୀ: ସୋଭିଏତ ସଂଘର ପୂର୍ବତନ ରାଷ୍ଟ୍ରପତି ମିଖାଇଲ୍ ଗୋର୍ବାଚେଭଙ୍କ ପରଲୋକ ହୋଇଛି । ଗତକାଲି (ମଙ୍ଗଳବାର) ତାଙ୍କର ଦେହାନ୍ତ ହୋଇଥିବା ନେଇ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି । ଦୀର୍ଘ ଦିନ ଧରି ଅସୁସ୍ଥ ଥିବା କାରଣରୁ ମିଖାଇଲଙ୍କ ପରଲୋକ ହୋଇଥିବା କୁହାଯାଇଛି । ଏହା ବ୍ୟତିତ ତାଙ୍କ ସମ୍ପର୍କରେ ଅନ୍ୟ କୌଣସି ସୂଚନା ଦିଆଯାଇନାହିଁ । ୯୧ ବର୍ଷ ବୟସରେ ମିଖାଇଲ ଗୋର୍ବାଚେଉଙ୍କ ପରଲୋକ ହୋଇଥିବା କୁହାଯାଇଛି । ସୋଭିଏତ ସଂଘର ବିଭାଜନ ପରେ ଗୋର୍ବାଚେଉ ଇସ୍ତଫା ଦେଇଥିଲେ ।
ଶୀତଳ ଯୁଦ୍ଧ ସମାପ୍ତ କରିବାର ପ୍ରମୁଖ ଭୂମିକା ଗ୍ରହଣ କରିଥିଲେ ଗୋର୍ବାଚେଭ । ୧୯୯୦ରୁ ୯୧ ମସିହା ପର୍ଯ୍ୟନ୍ତ ସୋଭିଏତ ସଂଘର ରାଷ୍ଟ୍ରପତି ଥିଲେ ମିଖାଇଲ୍ ଗୋର୍ବାଚେଭ । ସବୁଠାରୁ ବଡ଼ କଥା ହେଉଛି ସେ ୧୯୯୦ ମସିହାରେ ନୋବେଲ ଶାନ୍ତି ପୁରସ୍କାରରେ ସମ୍ମାନିତ ହୋଇଥିଲେ । ଅନ୍ୟପଟେ ମିଖାଇଲ୍ ଗୋର୍ବାଚେଭ ୟୁନାଇଟେଡ୍ ୟୁନିଅନ୍ ଅଫ୍ ସୋଭିଏତ୍ ସୋସିଆଲିଷ୍ଟ ରିପବ୍ଲିକ୍ ବା (ୟୁଏସ୍ଏସ୍ଆର୍)ର ନେତା ମଧ୍ୟ ଥିଲେ । ଖାଲି ସେତିକି ନୁହେଁ ସେ ଜଣେ ଯୁବ ତଥା ଶକ୍ତିଶାଳୀ ସୋଭିଏତ୍ ନେତା ଥିଲେ ।
ଯିଏକି ନାଗରିକମାନଙ୍କୁ ସ୍ୱାଧୀନତା ଦେଇ ଗଣତାନ୍ତ୍ରିକ ନୀତି ଅନୁଯାୟୀ କମ୍ୟୁନିଷ୍ଟ ଶାସନକୁ ସଂସ୍କାର କରିବାକୁ ଚାହୁଁଥିଲେ । ପରେ ଯେତେବେଳେ ସୋଭିଏତ୍ ସଂଘ ଭାଙ୍ଗିଥିଲା ସେତେବେଳକୁ ରାଷ୍ଟ୍ରପତି ପଦରୁ ଗୋର୍ବାଚେଭଙ୍କୁ ଇସ୍ତଫା ଦେବାକୁ ପଡିଥିଲା । ରାଷ୍ଟ୍ରପତି ନିର୍ବାଚନରେ ସେ ସପ୍ତମ ସ୍ଥାନ ହାସଲ କରିଛନ୍ତି । ଅନ୍ୟପଟେ ସେ ପୁଟିନଙ୍କ ଜଣେ ତୀବ୍ର ସମାଲୋଚକ ମଧ୍ୟ ହୋଇଥିଲେ । ୧୯୮୯ରେ, ଯେତେବେଳେ କମ୍ୟୁନିଷ୍ଟ ପୂର୍ବ ୟୁରୋପରେ ସୋଭିଏତ୍ ସଂଘ ଗଣତନ୍ତ୍ର ସମର୍ଥକ ବିରୋଧ ତୀବ୍ର ହେଲାସେତେବେଳେ ଗୋର୍ବାଚେଉ ଶାନ୍ତି ବଜାୟ ରଖିବାକୁ ପ୍ରୟାସ କରିଥିଲେ ।
