ନୂଆଦିଲ୍ଲୀ : ପାତ୍ର ଚଲ୍ ଜମି ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦେଶାଳୟ ଦ୍ବାରା ଗିରଫ ଶିବସେନା ସାଂସଦ ସଞ୍ଜୟ ରାଉତଙ୍କୁ ସ୍ବତନ୍ତ୍ର ପିଏମ୍ଏଲଏ ଅଦାଲତ ସୋମବାର ୧୪ଦିନ ପାଇଁ ଜେଲ୍କୁ ପଠାଇ ଦେଇଛନ୍ତି।
ଜମି ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦେଶାଳୟ ତରଫରୁ ସଞ୍ଜୟଙ୍କ ବାସଭବନରେ ପ୍ରବର୍ତ୍ତନ ନିର୍ଦେଶାଳୟ ତରଫରୁ ଚଢ଼ଉ କରାଯାଇ ତାଙ୍କୁ ଗିରଫ କରାଯାଇଥିଲା। ୮ ଦିନ ସଞ୍ଜୟଙ୍କୁ ପ୍ରବର୍ତ୍ତନ ନିର୍ଦେଶାଳୟ ନିଜ ହେପାଜତରେ ରଖି ପଚରାଉଚରା ଚଳାଇଥିଲା। ହେପାଜତ ଅବଧି ସୋମବାର ଶେଷ ହେବା ପରେ ସଞ୍ଜୟଙ୍କୁ ପ୍ରବର୍ତ୍ତନ ନିର୍ଦେଶାଳୟ ତରଫରୁ ସ୍ବତନ୍ତ୍ର ଅଦାଲତରେ ହାଜର କରାଯାଇଥିଲା। ତଥ୍ୟ ହାସଲ କରିବାକୁ ସଞ୍ଜୟଙ୍କୁ ଆଉ ହେପାଜତରେ ରଖିବା ଆବଶ୍ୟକ ନ ଥିବା ପ୍ରବର୍ତ୍ତନ ନିର୍ଦେଶାଳୟ ତରଫରୁ ସ୍ବତନ୍ତ୍ର ଅଦାଲତଙ୍କୁ ଜଣାଇବା ପରେ ସ୍ବତନ୍ତ୍ର ଅଦାଲତ ବିଚାରପତି ଏମ୍ଜି ଦେଶପାଣ୍ଡେ ସଞ୍ଜୟଙ୍କୁ ୧୪ ଦିନ ପାଇଁ ଜେଲ୍କୁ ପଠାଇ ଦେଇଥିଲେ। ତେବେ ସଞ୍ଜୟଙ୍କ ସ୍ବାସ୍ଥ୍ୟାବସ୍ଥାକୁ ଦୃଷ୍ଟିରେ ରଖି ତାଙ୍କୁ ଘରରନ୍ଧା ଖାଦ୍ୟ ଯୋଗାଇ ଦିଆଯିବା ସହ ଆବଶ୍ୟକ ଔଷଧ ଦିଆଯିବାକୁ ବିଚାରପତି ନିର୍ଦେଶ ଦେଇଛନ୍ତି। ସୂଚନାଥାଉ କି ଗତ ୬ ତାରିଖରେ ପ୍ରବର୍ତ୍ତନ ନିର୍ଦେଶାଳୟ ତରଫରୁ ସଞ୍ଜୟଙ୍କ ପତ୍ନୀ ବର୍ଷାଙ୍କୁ ଜମି ଦୁର୍ନୀତି ମାମଲାରେ ପଚରାଉଚରା କରାଯାଇଥିଲା।
ଜେଲ୍ ଗଲେ ସଞ୍ଜୟ ରାଉତ
Popular Categories
Previous article
Next article