ନୂଆଦିଲ୍ଲୀ: ଆଜିଠାରୁ ବସିଛି ସଂସଦର ମୌସୁମୀ ଅଧିବେଶନ । ଅଧିବେଶନ ବସିବା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମସ୍ତ ସାଂସଦ ମାନଙ୍କୁ ଗୃହକାର୍ଯ୍ୟରେ ସହଯୋଗ କରିବାକୁ ନିବେଦନ କରିଛନ୍ତି । ତାହା ସହ ଏହି ମୌସୁମୀ ଅଧିବେଶନ ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି । ଏହି ସ୍ଥାନରେ ପ୍ରତିଟି ବିଷୟବସ୍ତୁ ଉପରେ ଆଲୋଚନା କରନ୍ତୁ । ଆବଶ୍ୟକ ଯଦିହୁଏ ତର୍କ ବିତର୍କ କରନ୍ତୁ । ସମାଲୋଚନା ମଧ୍ୟ କରନ୍ତୁ । ହେଲେ ସମସ୍ତ ସାଂସଦ ମାନଙ୍କ ଉଦ୍ୟମ ଓ ସହଯୋଗରେ ଗୃହ ସୁରୁଖୁରୁରେ ଚାଲିପାରିବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି । ସୂଚନା ମୁତାବକ ଚଳିତ ମୌସୁମୀ ଅଧିବେଶନରେ ମୋଟ୍ ୧୮ଟି କାର୍ଯ୍ୟ ଦିବସ ରହିଛି । ଆଜି ଠାରୁ ଏହା ଆରମ୍ଭ ହୋଇ ଅଗଷ୍ଟ ୧୨ ତାରିଖ ଯାଏ ଚାଲିବ । ଏଥିରେ ମୋଟ୍ ୩୨ଟି ବିଲ୍ ତାଲିକା ଭୁକ୍ତ ହୋଇଥିବା ବେଳେ ସେଥିମଧ୍ୟରୁ ୨୪ଟି ନୂତନ ବିଲ ଥିବା ସୂଚନା ରହିଛି । ବାଚାରାଧୀନ ଭାବରେ ବର୍ତ୍ତମାନ ସଂସଦରେ ୩୫ଟି ବିଲ୍ ରହିଛି । ସେଥିମଧ୍ୟରୁ ୧୮ଟି ବିଲ୍ ପୁଣି ଥରେ ଆଗତ କରାଯିବା ନେଇ ସୂଚନା ମିଳିଛି । ତେଣୁ ଏହି ସମସ୍ତ କାର୍ଯ୍ୟ ପାଇଁ ଚଳିତ ବର୍ଷର ମୌସୁମୀ ଅଧିବେଶନ ବେଶ୍ ଗୁରୁତ୍ୱପୂର୍ଣ୍ଣ ବହନ କରୁଛି ବୋଲି କୁହାଯାଉଛି ।
ମୌସୁମୀ ଅଧିବେଶନ ପୂର୍ବରୁ ପ୍ରଧାନମନ୍ତ୍ରୀଙ୍କ ବିବୃତି; ଗୃହ କାର୍ଯ୍ୟରେ ସହଯୋଗ କରିବାକୁ ସାଂସଦ ମାନଙ୍କୁ କଲେ ନିବେଦନ
Popular Categories
Previous article
Next article