କେଶଦୂରାପାଳ: ଏକ ଗୋରୁ ବୋଝେଇ ଦଶ ଚକିଆ ଟ୍ରକକୁ ଆନନ୍ଦପୁର ପୋଲିସ୍ ଜବତ କରିଛି । ହେଲେ ଗାଡିର ଚାଳକ ଫେରାର ହୋଇଯାଇଥିବା ଜଣାପଡ଼ିଛି । ସୂଚନା ଅନୁସାରେ ରାତିରେ ଆନନ୍ଦପୁର ପୋଲିସ୍ ପୋଟ୍ରୋଲିଂ କରୁଥିବା ସମୟରେ ୫୩ ନଂ ରାଜ୍ୟ ରାଜପଥରେ ଏକ ଦଶ ଚକିଆ ଟ୍ରକ ଦ୍ରୁତ ଗତିରେ ଚାଲିଯାଇଥିବାରୁ ଆନନ୍ଦପୁର ପୁଲିସ୍ ସନ୍ଦେହ କରିଥିଲା । ସନ୍ଦେହ କରି ଟ୍ରକଟିକୁ ଧରିବାକୁ ଚେଷ୍ଟା କରିଥିଲା ।
ହେଲେ ଗାଡିର ଚାଳକ ଚତୁରତା ସହିତ ଗାଡିଟିକୁ ଆନନ୍ଦପୁର ବି ଏନ଼ ହାଇସ୍କୁଲ ସମ୍ମୁଖରେ ଛାଡ଼ିଦେଇ କେଉଁ ଆଡ଼େ ଚାଲିଯାଇଥିଲା । ପୁଲିସ ସେଠାରେ ପହଞ୍ଚି ଦେଖିବାକୁ ପାଇଲା ଉକ୍ତଦଶ ଚକିଆ ଟ୍ରକରେ ଗୋରୁ ବୋଝେଇ ହୋଇଛି । ପରେ ପୁଲିସ ପକ୍ଷରୁ ଗୋରୁମାନଙ୍କର ଚିକିତ୍ସା କରାଇବା ସହିତ ଗାଡିକୁ ଜବତ କରାଯାଇଥିଲା ।
ପ୍ରାୟତଃ ୪୦ ଗୋରୁମାନଙ୍କର ଡାକ୍ତରୀ ଚିକିତ୍ସା ପରେ ବାଲେଶ୍ଵର ପଠାଇ ଦେଇଛନ୍ତି ବୋଲି ଆନନ୍ଦପୁର ଥାନା ଏ.ଏସ.ଆଇ ସିଲୁମଲିକ ପ୍ରକାଶ କରିଛନ୍ତି । ଏହି ରାସ୍ତାଦେଇ ଅଧିକାଂଶ ସମୟରେ ବିଭିନ୍ନ ବଡ଼ ବଡ଼ ଟ୍ରକ୍ର ସାହାଯ୍ୟରେ ଗୋଚାଲାଣ ହେଉଥିବା ବିଶେଷ ସୁତ୍ରରୁ ଜଣାପଡିଛି । ଶୁଣିବାକୁ ମିଳୁଛି ପ୍ରଶାସନିକ ଅଧିକାରୀ ଓ ପୁଲିସର ଜାଣତରେ ଏହି ସବୁ ଗୋ ଚାଲାଣ ହେଉଥିବା ନେଇ ଆଲୋଚନା ହେଉଛି ।
