ନୂଆଦିଲ୍ଲୀ: ଗ୍ରାହକଙ୍କ ପାଇଁ ଖୁସିର ଖବର । ସୁନା ଓ ରୁପା ଦରରେ ହ୍ରାସ ଘଟିଛି । ଆଜି ଏମସିଏକ୍ସରେ ସୁନାର ଦାମ୍ ୦.୨୫% ହ୍ରାସ ପାଇଥିବା ବେଳେ ରୁପାର ମୂଲ୍ୟ ମଧ୍ୟ ହ୍ରାସ ଘଟିଛି । ବର୍ତ୍ତମାନ ଏମସିଏକ୍ସରେ ସୁନା ୧୦ଗ୍ରାମ୍ ପ୍ରତି ୫୦ହଜାର ୮୮୦ଟଙ୍କା ରହିଛି । ସେହିପରି ରୁପାର ଦାମ୍ ମଧ୍ୟ ଗତ ମଙ୍ଗଳବାର ଦିନ ହ୍ରାସ ଘଟିଥିଲା । ରୁପା ମୂଲ୍ୟରେ ୦.୫୪% ହ୍ରାସ ପାଇ ରୁପା କେଜି ପ୍ରତି ୬୦ହଜାର ୮୨ଟଙ୍କା ରହିଥିଲା ।
ଏଠି ଆମେ ଆପଣଙ୍କୁ କହିବାକୁ ଚାହିଁବୁ ପ୍ରାୟତଃ ସୁନା ଅଳଙ୍କାର ତିଆରି କରିବାରେ ୨୨ କ୍ୟାରେଟ୍ ସୁନାକୁ ବ୍ୟବହାର କରାଯାଏ । ହେଲେ କିଛି ବ୍ୟବସାୟୀ ୧୮ କ୍ୟାରେଟ୍ ସୁନା ମଧ୍ୟ ବ୍ୟବହାର କରିଥାନ୍ତି । ସୁନାର ମାନ ଅନୁଯାୟୀ ହଲମାର୍କ ତିଆରି କରାଯାଏ । ସୁନାର ମୁଲ୍ୟ ଦେଶର ବିଭିନ୍ନ ସ୍ଥାନରେ ଭିନ୍ନ ଭିନ୍ନ ରହିଥାଏ । ରାଜ୍ୟ ଟିକସ ଓ ଅନ୍ୟାନ୍ୟ ଟିକସ ହେତୁ ସମସ୍ତ ସ୍ଥାନରେ ଗୋଟିଏ ଦାମରେ ସୁନା ମିଳିନଥାଏ । ତେଣୁ ଆପଣ ଫୋନ୍ କରି ଆପଣଙ୍କ ଅଞ୍ଚଳର ସୁନାର ଦାମ୍ ଜାଣିପାରିବେ ।
ଜଏଲର୍ସ ଆସୋସିଏସନ୍ ସୂଚନା ଅନୁଯାୟୀ ୮୯୫୫୬୬୪୪୩୩ ନମ୍ବରରେ ଆପଣ ମିସ୍ କଲ୍ କରି ଆପଣ ଗହଣା ମୂଲ୍ୟ ପାଇପାରିବେ ।
Comments are closed.