ପାତ୍ରପୁର : ସାମନ୍ତିଆପଲ୍ଲୀ ବନାଞ୍ଚଳ ଗୁଣ୍ଡୁରା ପଞ୍ଚାୟତ ସୁନାଖଳା ଗ୍ରାମ ନିକଟରେ ଥିବା ରାମେଶ୍ୱର ପାହାଡରେ ବହୁ ମୟୂର ରହୁଛନ୍ତି । ଶୁକ୍ରବାର ହଠାତ୍ ଏକ ମୟୂର କୌଣସି କାରଣବଶତଃ ବାମ ଗୋଡ଼ରେ ଆଘାତ ଲାଗି ଗୁରୁତର ଭାବେ ରାସ୍ତା କଡ଼ରେ ପଡ଼ି ରହିଥିଲା। ଏହି ସମୟରେ ସେହି ରାସ୍ତା ଦେଇ ଯାଉଥିବା ଆମ୍ବପୁର ଗ୍ରାମର ଜଣେ ଯୁବକ ଏହାକୁ ଦେଖି ସୁନାଖଳା ଗ୍ରାମର ସାଙ୍ଗ ମାନଙ୍କୁ ଜଣାଇଥିଲେ। ଘଟଣା ସ୍ଥଳରେ ସୁନାଖଳା ଗ୍ରାମର କିଛି ଯୁବକ ପହଞ୍ଚି ମୟୂରର କ୍ଷତ ସ୍ଥାନରେ ପ୍ରାଥମିକ ଚିକିତ୍ସା କରିଥିଲେ କିନ୍ତୁ ମୟୂର ଉଡ଼ିପାରୁ ନଥିଲା। ପରେ ଯୁବକମାନେ ଏ ସମ୍ପର୍କରେ ସାମନ୍ତିଆପଲ୍ଲୀ ବନବିଭାଗକୁ ଜଣାଇ ଥିଲେ । ଖବର ପାଇ ବନବିଭାଗ କର୍ମଚାରୀ ମାନେ ପହଞ୍ଚି ମମୟୂରକୁ ଉଦ୍ଧାର କରି ଚିକିତ୍ସା ପାଇଁ କାର୍ଯ୍ୟାଳୟ ନେଇଥିବା ବେଳେ ସୁସ୍ଥ ହେଲେ ପୁଣି ଏହି ପାହାଡରେ ଛଡ଼ା ଯିବ ବୋଲି କହିଛନ୍ତି ।
Popular Categories
Previous article
Next article