ଲକ୍ଷ୍ମୀପୁର: ଚୋରା ଗଞ୍ଜେଇ ପରିବହନ ବେଳେ ଦୁର୍ଘଟଣା ହେଲା ବୋଲେରୋ । ଲକ୍ଷ୍ମୀପୁର ଥାନା ଅଧୀନସ୍ଥ ତଳ ଚମ୍ପ ଓ କୁଟୁଣିପଦର ନିକଟସ୍ଥ ଏକ ପୋଲ ନିକଟରେ ବୋଲେରୋଟି ଦୁର୍ଘଟଣା ହୋଇଛି । ଦୁର୍ଘଟଣା ପରେ ଗାଡ଼ି ଛାଡି ଡ୍ରାଇଭର ସହିତ ଚୋରା ଚାଲାଣକାରୀ ମାନେ ଫେରାର ହୋଇଯାଇଥିବା ବେଳେ ଦୁର୍ଘଟଣାସ୍ଥଳରୁ ୧୪ଟି ପକେଟରେ ପ୍ରାୟ ଏକ କୁଇଣ୍ଟାଲ ଗଞ୍ଜେଇ ଜବତ କରାଯାଇଛି ।
ଦୁର୍ଘଟଣା ଘଟିଥିବା ସ୍ଥାନରେ ଗୋଟିଏ ବୁଦା ଭିତରେ ଗଞ୍ଜେଇ ଗୁଡ଼ିକ ଲୁଚାଇ ରଖାଯାଇଥିବା ପୁଲିସ ପକ୍ଷରୁ ସୂଚନା ଦେଇଛି । ଘଟଣାସ୍ଥଳରେ ପୁଲିସ ପହଞ୍ଚି ଏନେଇ ଅଧିକ ତଦନ୍ତ ଚଳାଇଛି । ଜବତ ଗଞ୍ଜେଇ ଗୁଡ଼ିକ କେଉଁ ସ୍ଥାନରୁ ଆସିଛି ଓ କେଉଁ ସ୍ଥାନକୁ ଚାଲାଣ ହେଉଥିଲା ତାକୁ ନେଇ ପୁଲିସ ତନାଘନା ଆରମ୍ଭ କରିଛି ।
